1ª Aliyá (29:9–29:28)
| Vers. | עברית | Transliteração | Português |
|---|---|---|---|
| 29:9 | אַתֶּם נִצָּבִים הַיּוֹם כֻּלְּכֶם, לִפְנֵי יְהוָה אֱלֹהֵיכֶם: רָאשֵׁיכֶם שִׁבְטֵיכֶם, זִקְנֵיכֶם וְשֹׁטְרֵיכֶם, כֹּל, אִישׁ יִשְׂרָאֵל׃ | atem nitsavim hayom kulkhem lifne Adonay elohekhem rashekhem shivtekhem ziknekhem veshotrekhem kol ish yisrael | Vós todos estais hoje presentes diante do Eterno, vosso Deus: os cabeças de vossas tribos, vossos anciãos e vossos guardas, com todos os homens de Israel; |
| 29:10 | טַפְּכֶם נְשֵׁיכֶם--וְגֵרְךָ, אֲשֶׁר בְּקֶרֶב מַחֲנֶיךָ: מֵחֹטֵב עֵצֶיךָ, עַד שֹׁאֵב מֵימֶיךָ׃ | tapkhem neshekhem vegerkha asher bekerev makhaneykha mekhotev etseykha ad shoev meymeykha | vossos filhos pequenos, vossas mulheres e o estrangeiro que está no meio de teus acampamentos, desde o teu lenhador até o teu aguadeiro; |
| 29:11 | לְעָבְרְךָ, בִּבְרִית יְהוָה אֱלֹהֶיךָ--וּבְאָלָתוֹ: אֲשֶׁר יְהוָה אֱלֹהֶיךָ, כֹּרֵת עִמְּךָ הַיּוֹם׃ | leovrekha bivrit Adonay elohekha uvealato asher Adonay elohekha koret imkha hayom | para que entres no pacto do Eterno, teu Deus, e no juramento que o Eterno, teu Deus, celebra hoje contigo. |
| 29:12 | לְמַעַן הָקִים-אֹתְךָ הַיּוֹם לוֹ לְעָם, וְהוּא יִהְיֶה-לְּךָ לֵאלֹהִים--כַּאֲשֶׁר, דִּבֶּר-לָךְ; וְכַאֲשֶׁר נִשְׁבַּע לַאֲבֹתֶיךָ, לְאַבְרָהָם לְיִצְחָק וּלְיַעֲקֹב׃ | lemaan hakim-otekha hayom lo leam vehu yihye-lekha lelohim kaasher diber-lakh vekaasher nishba laavotekha le-avraham le-yitskhak ule-yaakov | a fim de te confirmar hoje como seu povo, e para que Ele seja para ti Deus, como te falou e como jurou a teus pais, a Abraão, a Isaque e a Jacó. |
| 29:13 | וְלֹא אִתְּכֶם, לְבַדְּכֶם--אָנֹכִי, כֹּרֵת אֶת-הַבְּרִית הַזֹּאת, וְאֶת-הָאָלָה, הַזֹּאת׃ | velo itkhem levadkhem anokhi koret et-haberit hazot veet-haala hazot | E não somente convosco faço Eu este pacto e este juramento, |
| 29:14 | כִּי אֶת-אֲשֶׁר יֶשְׁנוֹ פֹּה, עִמָּנוּ עֹמֵד הַיּוֹם, לִפְנֵי, יְהוָה אֱלֹהֵינוּ; וְאֵת אֲשֶׁר אֵינֶנּוּ פֹּה, עִמָּנוּ הַיּוֹם׃ | ki et-asher yeshno po imanu omed hayom lifne Adonay elohenu veet asher eynenu po imanu hayom | mas com aquele que está aqui conosco hoje diante do Eterno, nosso Deus, e também com aquele que não está aqui hoje conosco; |
| 29:15 | כִּי-אַתֶּם יְדַעְתֶּם, אֵת אֲשֶׁר-יָשַׁבְנוּ בְּאֶרֶץ מִצְרָיִם, וְאֵת אֲשֶׁר-עָבַרְנוּ בְּקֶרֶב הַגּוֹיִם, אֲשֶׁר עֲבַרְתֶּם׃ | ki-atem yedatem et asher-yashavnu beerets mitsrayim veet asher-avarnu bekerev hagoyim asher avartem | porque vós sabeis como habitámos na terra do Egito, e como passámos pelo meio das nações por onde passastes; |
| 29:16 | וַתִּרְאוּ, אֶת-שִׁקּוּצֵיהֶם, וְאֵת, גִּלֻּלֵיהֶם--עֵץ וָאֶבֶן, כֶּסֶף וְזָהָב אֲשֶׁר עִמָּהֶם׃ | vatiru et-shikutsehem veet gilulehem ets vaeven kesef vezahav asher imahem | e vistes suas abominações, e seus ídolos de madeira e pedra, e os de prata e ouro, que havia entre eles; |
| 29:17 | פֶּן-יֵשׁ בָּכֶם אִישׁ אוֹ-אִשָּׁה אוֹ מִשְׁפָּחָה אוֹ-שֵׁבֶט, אֲשֶׁר לְבָבוֹ פֹנֶה הַיּוֹם מֵעִם יְהוָה אֱלֹהֵינוּ, לָלֶכֶת לַעֲבֹד, אֶת-אֱלֹהֵי הַגּוֹיִם הָהֵם: פֶּן-יֵשׁ בָּכֶם, שֹׁרֶשׁ פֹּרֶה רֹאשׁ--וְלַעֲנָה׃ | pen-yesh bakhem ish o-isha o mishpakha o-shevet asher levavo fone hayom meim Adonay elohenu lalekhet laavod et-elohe hagoyim hahem pen-yesh bakhem shoresh pore rosh velaana | para que não haja entre vós homem, ou mulher, ou família, ou tribo, cujo coração se aparte hoje do Eterno, nosso Deus, para ir servir aos deuses daquelas nações; para que não haja entre vós raiz que produza erva amarga e fel; |
| 29:18 | וְהָיָה בְּשָׁמְעוֹ אֶת-דִּבְרֵי הָאָלָה הַזֹּאת, וְהִתְבָּרֵךְ בִּלְבָבוֹ לֵאמֹר שָׁלוֹם יִהְיֶה-לִּי--כִּי בִּשְׁרִרוּת לִבִּי, אֵלֵךְ: לְמַעַן סְפוֹת הָרָוָה, אֶת-הַצְּמֵאָה׃ | vehaya beshomo et-divre haala hazot vehitbarekh bilvavo lemor shalom yihye-li ki bishrirut libi elekh lemaan sefot harave et-hatsmea | e suceda que, ao ouvir as palavras desta maldição, ele se abençoe em seu coração, dizendo: “Terei paz ainda que ande conforme o parecer do meu coração” — trazendo assim a ruína do regado junto com o sedento. |
| 29:19 | לֹא-יֹאבֶה יְהוָה, סְלֹחַ לוֹ--כִּי אָז יֶעְשַׁן אַף-יְהוָה וְקִנְאָתוֹ בָּאִישׁ הַהוּא, וְרָבְצָה בּוֹ כָּל-הָאָלָה הַכְּתוּבָה בַּסֵּפֶר הַזֶּה; וּמָחָה יְהוָה אֶת-שְׁמוֹ, מִתַּחַת הַשָּׁמָיִם׃ | lo-yove Adonay seloakh lo ki az yeshan af-Adonay vekinato baish hahu veravtsa bo kol-haala haktuva basefer haze umakha Adonay et-shemo mitakhat hashamayim | Não quererá o Eterno perdoá-lo, mas então se acenderá a ira do Eterno e seu zelo contra aquele homem, e virá a assentar-se sobre ele toda a maldição escrita neste livro, e o Eterno apagará o seu nome de debaixo dos céus; |
| 29:20 | וְהִבְדִּילוֹ יְהוָה לְרָעָה, מִכֹּל שִׁבְטֵי יִשְׂרָאֵל--כְּכֹל, אָלוֹת הַבְּרִית, הַכְּתוּבָה, בְּסֵפֶר הַתּוֹרָה הַזֶּה׃ | vehivdilo Adonay leraa mikol shivte yisrael kekhol alot haberit haktuva besefer hatora haze | e o Eterno o separará, para mal, de todas as tribos de Israel, conforme todas as maldições do pacto escritas neste Livro da Lei. |
| 29:21 | וְאָמַר הַדּוֹר הָאַחֲרוֹן, בְּנֵיכֶם אֲשֶׁר יָקוּמוּ מֵאַחֲרֵיכֶם, וְהַנָּכְרִי, אֲשֶׁר יָבֹא מֵאֶרֶץ רְחוֹקָה; וְרָאוּ אֶת-מַכּוֹת הָאָרֶץ הַהִוא, וְאֶת-תַּחֲלֻאֶיהָ, אֲשֶׁר-חִלָּה יְהוָה, בָּהּ׃ | veamar hador haakharon benekhem asher yakumu meakharekhem vehanokhri asher yavo meerets rekhoka verau et-makot haarets hahi veet-takhaleha asher-khila Adonay ba | E dirão as gerações vindouras, vossos filhos que se levantarem depois de vós, e o estrangeiro que vier de terra distante, ao verem as pragas daquela terra e as enfermidades com que o Eterno a feriu; |
| 29:22 | גָּפְרִית וָמֶלַח, שְׂרֵפָה כָל-אַרְצָהּ--לֹא תִזָּרַע וְלֹא תַצְמִחַ, וְלֹא-יַעֲלֶה בָהּ כָּל-עֵשֶׂב: כְּמַהְפֵּכַת סְדֹם וַעֲמֹרָה, אַדְמָה וּצְבֹיִים, אֲשֶׁר הָפַךְ יְהוָה, בְּאַפּוֹ וּבַחֲמָתוֹ׃ | gofrit vamelakh serefa kol-artsa lo tizara velo tatsmiakh velo-yaale va kol-esev kemahpekhat sedom vaamora adma utsvoyim asher hafakh Adonay beapo uvakhamato | vendo que toda a sua terra está abrasada de enxofre e sal, que não se semeia e nada produz, nem cresce nela erva alguma, como na destruição de Sodoma e Gomorra, Admá e Zeboim, que o Eterno destruiu em sua ira e em seu ardente furor. |
| 29:23 | וְאָמְרוּ, כָּל-הַגּוֹיִם, עַל-מֶה עָשָׂה יְהוָה כָּכָה, לָאָרֶץ הַזֹּאת; מֶה חֳרִי הָאַף הַגָּדוֹל, הַזֶּה׃ | veamru kol-hagoyim al-me asa Adonay kakha laarets hazot me khori haaf hagadol haze | todas as nações dirão: “Por que fez assim o Eterno a esta terra? Qual foi a causa deste grande furor de ira?” |
| 29:24 | וְאָמְרוּ--עַל אֲשֶׁר עָזְבוּ, אֶת-בְּרִית יְהוָה אֱלֹהֵי אֲבֹתָם: אֲשֶׁר כָּרַת עִמָּם, בְּהוֹצִיאוֹ אֹתָם מֵאֶרֶץ מִצְרָיִם׃ | veamru al asher azvu et-berit Adonay elohe avotam asher karat imam behotsio otam meerets mitsrayim | E se responderá: “Porque abandonaram o pacto do Eterno, Deus de seus pais, que Ele fez com eles quando os tirou da terra do Egito; |
| 29:25 | וַיֵּלְכוּ, וַיַּעַבְדוּ אֱלֹהִים אֲחֵרִים, וַיִּשְׁתַּחֲווּ, לָהֶם: אֱלֹהִים אֲשֶׁר לֹא-יְדָעוּם, וְלֹא חָלַק לָהֶם׃ | vayelkhu vayaavdu elohim akherim vayishtakhavu lahem elohim asher lo-yedaum velo khalak lahem | e foram e serviram a outros deuses, e se prostraram diante deles; deuses que não conheciam, e que Ele não lhes havia designado. |
| 29:26 | וַיִּחַר-אַף יְהוָה, בָּאָרֶץ הַהִוא, לְהָבִיא עָלֶיהָ אֶת-כָּל-הַקְּלָלָה, הַכְּתוּבָה בַּסֵּפֶר הַזֶּה׃ | vayikhar-af Adonay baarets hahi lehavi aleha et-kol-hakelala haktuva basefer haze | Por isso se acendeu a ira do Eterno contra aquela terra, para trazer sobre ela todas as maldições escritas neste livro; |
| 29:27 | וַיִּתְּשֵׁם יְהוָה מֵעַל אַדְמָתָם, בְּאַף וּבְחֵמָה וּבְקֶצֶף גָּדוֹל; וַיַּשְׁלִכֵם אֶל-אֶרֶץ אַחֶרֶת, כַּיּוֹם הַזֶּה׃ | vayitshem Adonay meal admatam beaf uvekhema uvketsef gadol vayashlikhem el-erets akheret kayom haze | e com ira, com ardor e com grande indignação, o Eterno os desarraigou de sua terra, e os lançou em terra alheia, como hoje se vê”. |
| 29:28 | הַנִּסְתָּרֹת--לַיהוָה, אֱלֹהֵינוּ; וְהַנִּגְלֹת לָנוּ וּלְבָנֵינוּ, עַד-עוֹלָם--לַעֲשׂוֹת, אֶת-כָּל-דִּבְרֵי הַתּוֹרָה הַזֹּאת׃ | hanistarot l'Adonay elohenu vehaniglot lanu ulvanenu ad-olam laasot et-kol-divre hatora hazot | As coisas ocultas pertencem ao Eterno, nosso Deus; mas as reveladas nos pertencem, a nós e a nossos filhos, para sempre, para que cumpramos todas as palavras desta Lei. |
2ª Aliyá (30:1–30:6)
| Vers. | עברית | Transliteração | Português |
|---|---|---|---|
| 30:1 | וְהָיָה כִי-יָבֹאוּ עָלֶיךָ כָּל-הַדְּבָרִים הָאֵלֶּה, הַבְּרָכָה וְהַקְּלָלָה, אֲשֶׁר נָתַתִּי, לְפָנֶיךָ; וַהֲשֵׁבֹתָ, אֶל-לְבָבֶךָ, בְּכָל-הַגּוֹיִם, אֲשֶׁר הִדִּיחֲךָ יְהוָה אֱלֹהֶיךָ שָׁמָּה׃ | vehaya ki-yavou aleykha kol-hadevarim haele haberakha vehakelala asher natati lefaneykha vahashevota el-levavekha bekhol-hagoyim asher hidikhakha Adonay elohekha shama | E sucederá que, quando vierem sobre ti todas estas coisas, a bênção e a maldição que pus diante de ti, e as recordares em teu coração, estando entre todas as nações para onde te houver lançado o Eterno, teu Deus, |
| 30:2 | וְשַׁבְתָּ עַד-יְהוָה אֱלֹהֶיךָ, וְשָׁמַעְתָּ בְקֹלוֹ, כְּכֹל אֲשֶׁר-אָנֹכִי מְצַוְּךָ, הַיּוֹם: אַתָּה וּבָנֶיךָ, בְּכָל-לְבָבְךָ וּבְכָל-נַפְשֶׁךָ׃ | veshavta ad-Adonay elohekha veshamata vekolo kekhol asher-anokhi metsavkha hayom ata uvaneykha bekhol-levavkha uvkhol-nafshekha | e te voltares ao Eterno, teu Deus, e obedeceres à sua voz conforme tudo o que hoje te ordeno, tu e teus filhos, com todo o teu coração e com toda a tua alma, |
| 30:3 | וְשָׁב יְהוָה אֱלֹהֶיךָ אֶת-שְׁבוּתְךָ, וְרִחֲמֶךָ; וְשָׁב, וְקִבֶּצְךָ מִכָּל-הָעַמִּים, אֲשֶׁר הֱפִיצְךָ יְהוָה אֱלֹהֶיךָ, שָׁמָּה׃ | veshav Adonay elohekha et-shevutkha verikhamekha veshav vekibetskha mikol-haamim asher hefitskha Adonay elohekha shama | então te trará o Eterno, teu Deus, do teu cativeiro, e se compadecerá de ti, e voltará a reunir-te dentre todos os povos para onde te houver espalhado o Eterno, teu Deus. |
| 30:4 | אִם-יִהְיֶה נִדַּחֲךָ, בִּקְצֵה הַשָּׁמָיִם--מִשָּׁם, יְקַבֶּצְךָ יְהוָה אֱלֹהֶיךָ, וּמִשָּׁם, יִקָּחֶךָ׃ | im-yihye nidakhakha biktse hashamayim misham yekabetskha Adonay elohekha umisham yikakhekha | Ainda que o teu desterro estivesse no extremo do céu, dali te recolherá o Eterno, teu Deus, e dali te tomará; |
| 30:5 | וֶהֱבִיאֲךָ יְהוָה אֱלֹהֶיךָ, אֶל-הָאָרֶץ אֲשֶׁר-יָרְשׁוּ אֲבֹתֶיךָ--וִירִשְׁתָּהּ; וְהֵיטִבְךָ וְהִרְבְּךָ, מֵאֲבֹתֶיךָ׃ | vehevi'akha Adonay elohekha el-haarets asher-yarshu avotekha virishtah veheytivkha vehirbekha meavotekha | e te trará o Eterno, teu Deus, à terra que possuíram teus pais, e tu a possuirás; e Ele te fará bem e te multiplicará mais que a teus pais. |
| 30:6 | וּמָל יְהוָה אֱלֹהֶיךָ אֶת-לְבָבְךָ, וְאֶת-לְבַב זַרְעֶךָ: לְאַהֲבָה אֶת-יְהוָה אֱלֹהֶיךָ, בְּכָל-לְבָבְךָ וּבְכָל-נַפְשְׁךָ--לְמַעַן חַיֶּיךָ׃ | umal Adonay elohekha et-levavkha veet-levav zarekha leahava et-Adonay elohekha bekhol-levavkha uvkhol-nafshekha lemaan khayeykha | E o Eterno, teu Deus, circuncidará o teu coração e o coração da tua descendência, para que ames o Eterno, teu Deus, com todo o teu coração e com toda a tua alma, a fim de que vivas. |
3ª Aliyá (30:7–30:14)
| Vers. | עברית | Transliteração | Português |
|---|---|---|---|
| 30:7 | וְנָתַן יְהוָה אֱלֹהֶיךָ, אֵת כָּל-הָאָלוֹת הָאֵלֶּה, עַל-אֹיְבֶיךָ וְעַל-שֹׂנְאֶיךָ, אֲשֶׁר רְדָפוּךָ׃ | venatan Adonay elohekha et kol-haalot haele al-oyvekha veal-sonekha asher redafukha | E porá o Eterno, teu Deus, todas estas maldições sobre teus inimigos e sobre os que te odeiam, que te perseguiram. |
| 30:8 | וְאַתָּה תָשׁוּב, וְשָׁמַעְתָּ בְּקוֹל יְהוָה; וְעָשִׂיתָ, אֶת-כָּל-מִצְוֺתָיו, אֲשֶׁר אָנֹכִי מְצַוְּךָ, הַיּוֹם׃ | veata tashuv veshamata bekol Adonay veasita et-kol-mitsvotav asher anokhi metsavkha hayom | E tu voltarás e obedecerás à voz do Eterno, e cumprirás todos os seus mandamentos que hoje te ordeno. |
| 30:9 | וְהוֹתִירְךָ יְהוָה אֱלֹהֶיךָ בְּכֹל מַעֲשֵׂה יָדֶךָ, בִּפְרִי בִטְנְךָ וּבִפְרִי בְהֶמְתְּךָ וּבִפְרִי אַדְמָתְךָ--לְטֹבָה: כִּי יָשׁוּב יְהוָה, לָשׂוּשׂ עָלֶיךָ לְטוֹב, כַּאֲשֶׁר-שָׂשׂ, עַל-אֲבֹתֶיךָ׃ | vehotirkha Adonay elohekha bekhol maase yadekha bifri vitnekha uvifri vehemtekha uvifri admatkha letova ki yashuv Adonay lasus aleykha letov kaasher-sas al-avotekha | E o Eterno, teu Deus, te fará prosperar em toda obra de tua mão, no fruto do teu ventre e na cria dos teus animais e no fruto da tua terra, para o bem; porque o Eterno voltará a alegrar-se sobre ti para o bem, como se alegrava sobre teus pais; |
| 30:10 | כִּי תִשְׁמַע, בְּקוֹל יְהוָה אֱלֹהֶיךָ, לִשְׁמֹר מִצְוֺתָיו וְחֻקֹּתָיו, הַכְּתוּבָה בְּסֵפֶר הַתּוֹרָה הַזֶּה: כִּי תָשׁוּב אֶל-יְהוָה אֱלֹהֶיךָ, בְּכָל-לְבָבְךָ וּבְכָל-נַפְשֶׁךָ׃ | ki tishma bekol Adonay elohekha lishmor mitsvotav vekhukotav haktuva besefer hatora haze ki tashuv el-Adonay elohekha bekhol-levavkha uvkhol-nafshekha | quando obedeceres à voz do Eterno, teu Deus, guardando os seus preceitos e os seus estatutos escritos neste Livro da Lei; quando te voltares ao Eterno, teu Deus, com todo o teu coração e com toda a tua alma. |
| 30:11 | כִּי הַמִּצְוָה הַזֹּאת, אֲשֶׁר אָנֹכִי מְצַוְּךָ הַיּוֹם--לֹא-נִפְלֵאת הִוא מִמְּךָ, וְלֹא רְחֹקָה הִוא׃ | ki hamitsva hazot asher anokhi metsavkha hayom lo-nifleit hi mimkha velo rekhoka hi | Porque este mandamento que hoje te ordeno não te é oculto, nem está longe de ti. |
| 30:12 | לֹא בַשָּׁמַיִם, הִוא: לֵאמֹר, מִי יַעֲלֶה-לָּנוּ הַשָּׁמַיְמָה וְיִקָּחֶהָ לָּנוּ, וְיַשְׁמִעֵנוּ אֹתָהּ, וְנַעֲשֶׂנָּה׃ | lo vashamayim hi lemor mi yaale-lanu hashamayma veyikakheha lanu veyashmienu ota venaasena | Não está nos céus, para que digas: “Quem subirá por nós ao céu e no-lo trará, e no-lo fará ouvir, para que o cumpramos?” |
| 30:13 | וְלֹא-מֵעֵבֶר לַיָּם, הִוא: לֵאמֹר, מִי יַעֲבָר-לָנוּ אֶל-עֵבֶר הַיָּם וְיִקָּחֶהָ לָּנוּ, וְיַשְׁמִעֵנוּ אֹתָהּ, וְנַעֲשֶׂנָּה׃ | velo-meever layam hi lemor mi yaavar-lanu el-ever hayam veyikakheha lanu veyashmienu ota venaasena | Nem está além do mar, para que digas: “Quem passará por nós ao outro lado do mar e no-lo trará, e no-lo fará ouvir, para que o cumpramos?” |
| 30:14 | כִּי-קָרוֹב אֵלֶיךָ הַדָּבָר, מְאֹד: בְּפִיךָ וּבִלְבָבְךָ, לַעֲשֹׂתוֹ׃ | ki-karov eleykha hadavar meod befikha uvilvavkha laasoto | Mas a palavra está bem perto de ti, na tua boca e no teu coração, para que a cumpras. |
4ª Aliyá (30:15–31:6)
| Vers. | עברית | Transliteração | Português |
|---|---|---|---|
| 30:15 | רְאֵה נָתַתִּי לְפָנֶיךָ הַיּוֹם, אֶת-הַחַיִּים וְאֶת-הַטּוֹב, וְאֶת-הַמָּוֶת, וְאֶת-הָרָע׃ | re'e natati lefaneykha hayom et-hakhayim veet-hatov veet-hamavet veet-hara | Vê que hoje ponho diante de ti a vida e o bem, e a morte e o mal; |
| 30:16 | אֲשֶׁר אָנֹכִי מְצַוְּךָ, הַיּוֹם, לְאַהֲבָה אֶת-יְהוָה אֱלֹהֶיךָ לָלֶכֶת בִּדְרָכָיו, וְלִשְׁמֹר מִצְוֺתָיו וְחֻקֹּתָיו וּמִשְׁפָּטָיו; וְחָיִיתָ וְרָבִיתָ--וּבֵרַכְךָ יְהוָה אֱלֹהֶיךָ, בָּאָרֶץ אֲשֶׁר-אַתָּה בָא-שָׁמָּה לְרִשְׁתָּהּ׃ | asher anokhi metsavkha hayom leahava et-Adonay elohekha lalekhet bidrakhav velishmor mitsvotav vekhukotav umishpatav vekhayita veravita uverakhkha Adonay elohekha baarets asher-ata va-shama lerishtah | porquanto hoje te ordeno que ames o Eterno, teu Deus, que andes em seus caminhos e que guardes os seus preceitos, os seus estatutos e os seus juízos, para que vivas e te multipliques, e para que o Eterno, teu Deus, te abençoe na terra a que vais para possuí-la. |
| 30:17 | וְאִם-יִפְנֶה לְבָבְךָ, וְלֹא תִשְׁמָע; וְנִדַּחְתָּ, וְהִשְׁתַּחֲוִיתָ לֵאלֹהִים אֲחֵרִים--וַעֲבַדְתָּם׃ | veim-yifne levavkha velo tishma venidakhta vehishtakhavita lelohim akherim vaavadtam | Mas, se o teu coração se desviar e não quiseres ouvir, e fores levado a prostrar-te diante de outros deuses e a servi-los, |
| 30:18 | הִגַּדְתִּי לָכֶם הַיּוֹם, כִּי אָבֹד תֹּאבֵדוּן: לֹא-תַאֲרִיכֻן יָמִים, עַל-הָאֲדָמָה, אֲשֶׁר אַתָּה עֹבֵר אֶת-הַיַּרְדֵּן, לָבוֹא שָׁמָּה לְרִשְׁתָּהּ׃ | higadeti lakhem hayom ki avod tovedun lo-taarikhun yamim al-haadama asher ata over et-hayarden lavo shama lerishtah | hoje vos declaro que certamente perecereis; não prolongareis os vossos dias sobre a terra à qual passais o Jordão para possuí-la. |
| 30:19 | הַעִדֹתִי בָכֶם הַיּוֹם, אֶת-הַשָּׁמַיִם וְאֶת-הָאָרֶץ--הַחַיִּים וְהַמָּוֶת נָתַתִּי לְפָנֶיךָ, הַבְּרָכָה וְהַקְּלָלָה; וּבָחַרְתָּ, בַּחַיִּים--לְמַעַן תִּחְיֶה, אַתָּה וְזַרְעֶךָ׃ | haidoti vakhem hayom et-hashamayim veet-haarets hakhayim vehamavet natati lefaneykha haberakha vehakelala uvakharta bakhayim lemaan tikhye ata vezarekha | Aos céus e à terra chamo hoje por testemunhas contra vós, de que pus diante de ti a vida e a morte, a bênção e a maldição; escolhe, pois, a vida, para que vivas tu e a tua descendência, |
| 30:20 | לְאַהֲבָה אֶת-יְהוָה אֱלֹהֶיךָ, לִשְׁמֹעַ בְּקֹלוֹ וּלְדָבְקָה-בוֹ: כִּי הוּא חַיֶּיךָ, וְאֹרֶךְ יָמֶיךָ--לָשֶׁבֶת עַל-הָאֲדָמָה אֲשֶׁר נִשְׁבַּע יְהוָה לַאֲבֹתֶיךָ לְאַבְרָהָם לְיִצְחָק וּלְיַעֲקֹב, לָתֵת לָהֶם׃ | leahava et-Adonay elohekha lishmoa bekolo uldovka-vo ki hu khayeykha veorekh yameykha lashevet al-haadama asher nishba Adonay laavotekha le-avraham le-yitskhak ule-yaakov latet lahem | amando o Eterno, teu Deus, obedecendo à sua voz e apegando-te a Ele; pois isso é a tua vida e o prolongamento dos teus dias, para que habites na terra que o Eterno jurou a teus pais, a Abraão, a Isaque e a Jacó, que lhes daria. |
| 31:1 | וַיֵּלֶךְ, מֹשֶׁה; וַיְדַבֵּר אֶת-הַדְּבָרִים הָאֵלֶּה, אֶל-כָּל-יִשְׂרָאֵל׃ | vayelekh moshe vayedaber et-hadevarim haele el-kol-yisrael | E foi Moisés e falou estas palavras a todo o Israel, |
| 31:2 | וַיֹּאמֶר אֲלֵהֶם, בֶּן-מֵאָה וְעֶשְׂרִים שָׁנָה אָנֹכִי הַיּוֹם--לֹא-אוּכַל עוֹד, לָצֵאת וְלָבוֹא; וַיהוָה אָמַר אֵלַי, לֹא תַעֲבֹר אֶת-הַיַּרְדֵּן הַזֶּה׃ | vayomer alehem ben-mea veesrim shana anokhi hayom lo-ukhal od latset velavo v'Adonay amar elay lo taavor et-hayarden haze | e disse-lhes: Hoje tenho cento e vinte anos de idade; já não posso sair nem entrar; e o Eterno me disse: “Tu não passarás este Jordão”. |
| 31:3 | יְהוָה אֱלֹהֶיךָ הוּא עֹבֵר לְפָנֶיךָ, הוּא-יַשְׁמִיד אֶת-הַגּוֹיִם הָאֵלֶּה מִלְּפָנֶיךָ--וִירִשְׁתָּם; יְהוֹשֻׁעַ, הוּא עֹבֵר לְפָנֶיךָ, כַּאֲשֶׁר, דִּבֶּר יְהוָה׃ | Adonay elohekha hu over lefaneykha hu-yashmid et-hagoyim haele milefaneykha virishtam yehoshua hu over lefaneykha kaasher diber Adonay | O Eterno, teu Deus, Ele passará diante de ti; Ele destruirá estas nações de diante de ti, e tu as desapossarás; Josué, ele passará diante de ti, como disse o Eterno. |
| 31:4 | וְעָשָׂה יְהוָה, לָהֶם, כַּאֲשֶׁר עָשָׂה לְסִיחוֹן וּלְעוֹג מַלְכֵי הָאֱמֹרִי, וּלְאַרְצָם--אֲשֶׁר הִשְׁמִיד, אֹתָם׃ | veasa Adonay lahem kaasher asa le-sikhon ule-og malkhe haemori ulartsam asher hishmid otam | E fará o Eterno com elas como fez com Seom e Ogue, reis dos amorreus, e com a sua terra, aos quais destruiu. |
| 31:5 | וּנְתָנָם יְהוָה, לִפְנֵיכֶם; וַעֲשִׂיתֶם לָהֶם--כְּכָל-הַמִּצְוָה, אֲשֶׁר צִוִּיתִי אֶתְכֶם׃ | untanam Adonay lifnekhem vaasitem lahem kekhol-hamitsva asher tsiviti etkhem | E o Eterno as entregará diante de vós, e fareis com elas conforme todo o mandamento que vos ordenei. |
| 31:6 | חִזְקוּ וְאִמְצוּ, אַל-תִּירְאוּ וְאַל-תַּעַרְצוּ מִפְּנֵיהֶם: כִּי יְהוָה אֱלֹהֶיךָ, הוּא הַהֹלֵךְ עִמָּךְ--לֹא יַרְפְּךָ, וְלֹא יַעַזְבֶךָּ׃ | khizku veimtsu al-tiru veal-taartsu mipnehem ki Adonay elohekha hu haholekh imakh lo yarpekha velo yaazveka | Esforçai-vos e tende ânimo; não temais nem vos atemorizeis diante deles, porque o Eterno, teu Deus, é quem vai contigo; não te deixará nem te desamparará. |
5ª Aliyá (31:7–31:13)
| Vers. | עברית | Transliteração | Português |
|---|---|---|---|
| 31:7 | וַיִּקְרָא מֹשֶׁה לִיהוֹשֻׁעַ, וַיֹּאמֶר אֵלָיו לְעֵינֵי כָל-יִשְׂרָאֵל חֲזַק וֶאֱמָץ--כִּי אַתָּה תָּבוֹא אֶת-הָעָם הַזֶּה, אֶל-הָאָרֶץ אֲשֶׁר נִשְׁבַּע יְהוָה לַאֲבֹתָם לָתֵת לָהֶם; וְאַתָּה, תַּנְחִילֶנָּה אוֹתָם׃ | vayikra moshe li-hoshua vayomer elav leene khol-yisrael khazak veemats ki ata tavo et-haam haze el-haarets asher nishba Adonay laavotam latet lahem veata tankhilena otam | E chamou Moisés a Josué e disse-lhe na presença de todo o Israel: Esforça-te e tem ânimo, porque tu entrarás com este povo na terra que o Eterno jurou a seus pais que lhes daria, e tu a farás herdar a eles. |
| 31:8 | וַיהוָה הוּא הַהֹלֵךְ לְפָנֶיךָ, הוּא יִהְיֶה עִמָּךְ--לֹא יַרְפְּךָ, וְלֹא יַעַזְבֶךָּ; לֹא תִירָא, וְלֹא תֵחָת׃ | v'Adonay hu haholekh lefaneykha hu yihye imakh lo yarpekha velo yaazveka lo tira velo tekhat | E o Eterno é quem vai diante de ti; Ele estará contigo, não te deixará nem te desamparará; não temas, pois, nem te atemorizes. |
| 31:9 | וַיִּכְתֹּב מֹשֶׁה, אֶת-הַתּוֹרָה הַזֹּאת, וַיִּתְּנָהּ אֶל-הַכֹּהֲנִים בְּנֵי לֵוִי, הַנֹּשְׂאִים אֶת-אֲרוֹן בְּרִית יְהוָה; וְאֶל-כָּל-זִקְנֵי, יִשְׂרָאֵל׃ | vayikhtov moshe et-hatora hazot vayitnah el-hakohanim bene levi hanosim et-aron berit Adonay veel-kol-zikne yisrael | E escreveu Moisés esta Lei, e a deu aos sacerdotes, filhos de Levi, que levavam a arca do pacto do Eterno, e a todos os anciãos de Israel. |
| 31:10 | וַיְצַו מֹשֶׁה, אוֹתָם לֵאמֹר: מִקֵּץ שֶׁבַע שָׁנִים, בְּמֹעֵד שְׁנַת הַשְּׁמִטָּה--בְּחַג הַסֻּכּוֹת׃ | vayetsav moshe otam lemor mikets sheva shanim bemoed shnat hashmita bekhag hasukot | E ordenou-lhes Moisés, dizendo: Ao fim de cada sete anos, no tempo determinado do ano da remissão, na festa das Cabanås, |
| 31:11 | בְּבוֹא כָל-יִשְׂרָאֵל, לֵרָאוֹת אֶת-פְּנֵי יְהוָה אֱלֹהֶיךָ, בַּמָּקוֹם, אֲשֶׁר יִבְחָר: תִּקְרָא אֶת-הַתּוֹרָה הַזֹּאת, נֶגֶד כָּל-יִשְׂרָאֵל--בְּאָזְנֵיהֶם׃ | bevo kol-yisrael lerot et-pene Adonay elohekha bamakom asher yivkhar tikra et-hatora hazot neged kol-yisrael beoznehem | quando vier todo o Israel a comparecer diante do Eterno, teu Deus, no lugar que Ele escolher, lerás esta Lei diante de todo o Israel, aos seus ouvidos. |
| 31:12 | הַקְהֵל אֶת-הָעָם, הָאֲנָשִׁים וְהַנָּשִׁים וְהַטַּף, וְגֵרְךָ, אֲשֶׁר בִּשְׁעָרֶיךָ--לְמַעַן יִשְׁמְעוּ וּלְמַעַן יִלְמְדוּ, וְיָרְאוּ אֶת-יְהוָה אֱלֹהֵיכֶם, וְשָׁמְרוּ לַעֲשׂוֹת, אֶת-כָּל-דִּבְרֵי הַתּוֹרָה הַזֹּאת׃ | hakhel et-haam haanashim vehanashim vehataf vegerkha asher bishareykha lemaan yishmeu ulemaan yilmedu veyaru et-Adonay elohekhem veshameru laasot et-kol-divre hatora hazot | Congregarás o povo, os homens, as mulheres e as crianças, e o teu estrangeiro que habita dentro das tuas cidades, para que ouçam e aprendam, e assim temam ao Eterno, vosso Deus, e guardem todas as palavras desta Lei para as cumprirem; |
| 31:13 | וּבְנֵיהֶם אֲשֶׁר לֹא-יָדְעוּ, יִשְׁמְעוּ וְלָמְדוּ--לְיִרְאָה, אֶת-יְהוָה אֱלֹהֵיכֶם: כָּל-הַיָּמִים, אֲשֶׁר אַתֶּם חַיִּים עַל-הָאֲדָמָה, אֲשֶׁר אַתֶּם עֹבְרִים אֶת-הַיַּרְדֵּן שָׁמָּה, לְרִשְׁתָּהּ׃ | uvnehem asher lo-yadu yishmeu velamdu leyira et-Adonay elohekhem kol-hayamim asher atem khayim al-haadama asher atem overim et-hayarden shama lerishtah | e para que os filhos deles, que não tiveram conhecimento destas coisas, ouçam e aprendam a temer ao Eterno, vosso Deus, todos os dias em que viverdes sobre a terra para onde ides, passando o Jordão, para tomar posse dela. |
6ª Aliyá (31:14–31:19)
| Vers. | עברית | Transliteração | Português |
|---|---|---|---|
| 31:14 | וַיֹּאמֶר יְהוָה אֶל-מֹשֶׁה, הֵן קָרְבוּ יָמֶיךָ לָמוּת--קְרָא אֶת-יְהוֹשֻׁעַ וְהִתְיַצְּבוּ בְּאֹהֶל מוֹעֵד, וַאֲצַוֶּנּוּ; וַיֵּלֶךְ מֹשֶׁה וִיהוֹשֻׁעַ, וַיִּתְיַצְּבוּ בְּאֹהֶל מוֹעֵד׃ | vayomer Adonay el-moshe hen karvu yameykha lamut kera et-yehoshua vehityatsevu beohel moed vaatsavenu vayelekh moshe vihoshua vayityatsevu beohel moed | E disse o Eterno a Moisés: Eis que se aproximam os teus dias para morreres; chama a Josué, e apresentai-vos na Tenda da Reunião, para que Eu lhe dê o encargo. E foram Moisés e Josué, e se apresentaram na Tenda da Reunião. |
| 31:15 | וַיֵּרָא יְהוָה בָּאֹהֶל, בְּעַמּוּד עָנָן; וַיַּעֲמֹד עַמּוּד הֶעָנָן, עַל-פֶּתַח הָאֹהֶל׃ | vayera Adonay baohel beamud anan vayaamod amud heanan al-petakh haohel | E apareceu o Eterno na Tenda, numa coluna de nuvem; e a coluna de nuvem deteve-se à entrada da Tenda. |
| 31:16 | וַיֹּאמֶר יְהוָה אֶל-מֹשֶׁה, הִנְּךָ שֹׁכֵב עִם-אֲבֹתֶיךָ; וְקָם הָעָם הַזֶּה וְזָנָה אַחֲרֵי אֱלֹהֵי נֵכַר-הָאָרֶץ, אֲשֶׁר הוּא בָא-שָׁמָּה בְּקִרְבּוֹ, וַעֲזָבַנִי, וְהֵפֵר אֶת-בְּרִיתִי אֲשֶׁר כָּרַתִּי אִתּוֹ׃ | vayomer Adonay el-moshe hinkha shokhev im-avotekha vekam haam haze vezana akhare elohe nekhar-haarets asher hu va-shama bekirbo vaazavani vehefer et-briti asher karati ito | E disse o Eterno a Moisés: Eis que vais dormir com teus pais; e se levantará este povo e se prostituirá após os deuses estranhos da terra em cujo meio vai entrar, e me deixará, e romperá o meu pacto que fiz com ele. |
| 31:17 | וְחָרָה אַפִּי בוֹ בַיּוֹם-הַהוּא וַעֲזַבְתִּים וְהִסְתַּרְתִּי פָנַי מֵהֶם, וְהָיָה לֶאֱכֹל, וּמְצָאֻהוּ רָעוֹת רַבּוֹת, וְצָרוֹת; וְאָמַר, בַּיּוֹם הַהוּא, הֲלֹא עַל כִּי-אֵין אֱלֹהַי בְּקִרְבִּי, מְצָאוּנִי הָרָעוֹת הָאֵלֶּה׃ | vekhara api vo bayom-hahu vaazavtim vehistarti fanay mehem vehaya leekhol umetsauhu raot rabot vetsarot veamar bayom hahu halo al ki-en elohay bekirbi metsauni haraot haele | Então se acenderá a minha ira contra ele naquele dia, e os abandonarei, e esconderei deles o meu rosto, e serão devorados, e lhes sobrevirão muitos males e angústias; de modo que dirá naquele dia: “Não é porque o meu Deus não está no meio de mim que me sobrevieram estes males?” |
| 31:18 | וְאָנֹכִי, הַסְתֵּר אַסְתִּיר פָּנַי בַּיּוֹם הַהוּא, עַל כָּל-הָרָעָה, אֲשֶׁר עָשָׂה: כִּי פָנָה, אֶל-אֱלֹהִים אֲחֵרִים׃ | veanokhi haster astir panay bayom hahu al kol-haraa asher asa ki fana el-elohim akherim | E Eu certamente esconderei o meu rosto naquele dia, por todo o mal que houver feito, por se ter voltado a outros deuses. |
| 31:19 | וְעַתָּה, כִּתְבוּ לָכֶם אֶת-הַשִּׁירָה הַזֹּאת, וְלַמְּדָהּ אֶת-בְּנֵי-יִשְׂרָאֵל, שִׂימָהּ בְּפִיהֶם: לְמַעַן תִּהְיֶה-לִּי הַשִּׁירָה הַזֹּאת, לְעֵד--בִּבְנֵי יִשְׂרָאֵל׃ | veata kitvu lakhem et-hashira hazot velamda et-bne-yisrael sima befihem lemaan tihye-li hashira hazot leed bivne yisrael | Agora, pois, escrevei para vós este cântico, e ensinai-o aos filhos de Israel; ponde-o na boca deles, para que este cântico me sirva de testemunha contra os filhos de Israel. |
7ª Aliyá (31:20–31:30)
| Vers. | עברית | Transliteração | Português |
|---|---|---|---|
| 31:20 | כִּי-אֲבִיאֶנּוּ אֶל-הָאֲדָמָה אֲשֶׁר-נִשְׁבַּעְתִּי לַאֲבֹתָיו, זָבַת חָלָב וּדְבַשׁ, וְאָכַל וְשָׂבַע, וְדָשֵׁן; וּפָנָה אֶל-אֱלֹהִים אֲחֵרִים, וַעֲבָדוּם, וְנִאֲצוּנִי, וְהֵפֵר אֶת-בְּרִיתִי׃ | ki-avienu el-haadama asher-nishbati laavotav zavat khalav udvash veakhal vesava vedashen ufana el-elohim akherim vaavadum veniatsuni vehefer et-briti | Porque quando eu o houver introduzido na terra que jurei a seus pais, que mana leite e mel, e ele houver comido e se houver saciado e engordado, se voltará a outros deuses e os servirão, e me desprezarão, e romperão o meu pacto. |
| 31:21 | וְהָיָה כִּי-תִמְצֶאןָ אֹתוֹ רָעוֹת רַבּוֹת, וְצָרוֹת, וְעָנְתָה הַשִּׁירָה הַזֹּאת לְפָנָיו לְעֵד, כִּי לֹא תִשָּׁכַח מִפִּי זַרְעוֹ: כִּי יָדַעְתִּי אֶת-יִצְרוֹ, אֲשֶׁר הוּא עֹשֶׂה הַיּוֹם, בְּטֶרֶם אֲבִיאֶנּוּ, אֶל-הָאָרֶץ אֲשֶׁר נִשְׁבַּעְתִּי׃ | vehaya ki-timtsena oto raot rabot vetsarot veanta hashira hazot lefanav leed ki lo tishakakh mipi zaro ki yadati et-yitsro asher hu ose hayom beterem avienu el-haarets asher nishbati | E sucederá que, quando lhe sobrevierem muitos males e angústias, este cântico responderá diante dele como testemunha, porque não será esquecido da boca da sua descendência; porque Eu conheço a sua inclinação, a que já forma hoje, antes de o haver introduzido na terra que jurei. |
| 31:22 | וַיִּכְתֹּב מֹשֶׁה אֶת-הַשִּׁירָה הַזֹּאת, בַּיּוֹם הַהוּא; וַיְלַמְּדָהּ, אֶת-בְּנֵי יִשְׂרָאֵל׃ | vayikhtov moshe et-hashira hazot bayom hahu vayelamda et-bne yisrael | E escreveu Moisés este cântico naquele mesmo dia, e o ensinou aos filhos de Israel. |
| 31:23 | וַיְצַו אֶת-יְהוֹשֻׁעַ בִּן-נוּן, וַיֹּאמֶר חֲזַק וֶאֱמָץ--כִּי אַתָּה תָּבִיא אֶת-בְּנֵי יִשְׂרָאֵל, אֶל-הָאָרֶץ אֲשֶׁר-נִשְׁבַּעְתִּי לָהֶם; וְאָנֹכִי, אֶהְיֶה עִמָּךְ׃ | vayetsav et-yehoshua bin-nun vayomer khazak veemats ki ata tavi et-bne yisrael el-haarets asher-nishbati lahem veanokhi ehye imakh | E deu ordem a Josué, filho de Num, e disse: Esforça-te e tem ânimo, porque tu levarás os filhos de Israel à terra que lhes jurei; e Eu estarei contigo. |
| 31:24 | וַיְהִי כְּכַלּוֹת מֹשֶׁה, לִכְתֹּב אֶת-דִּבְרֵי הַתּוֹרָה-הַזֹּאת--עַל-סֵפֶר: עַד, תֻּמָּם׃ | vayehi kekhalot moshe likhtov et-divre hatora-hazot al-sefer ad tumam | E aconteceu que, quando Moisés acabou de escrever num livro as palavras desta Lei até as concluir, |
| 31:25 | וַיְצַו מֹשֶׁה אֶת-הַלְוִיִּם, נֹשְׂאֵי אֲרוֹן בְּרִית-יְהוָה לֵאמֹר׃ | vayetsav moshe et-halviyim nose'e aron berit-Adonay lemor | deu ordem Moisés aos levitas que levavam a arca do pacto do Eterno, dizendo: |
| 31:26 | לָקֹחַ, אֵת סֵפֶר הַתּוֹרָה הַזֶּה, וְשַׂמְתֶּם אֹתוֹ, מִצַּד אֲרוֹן בְּרִית-יְהוָה אֱלֹהֵיכֶם; וְהָיָה-שָׁם בְּךָ, לְעֵד׃ | lakoakh et sefer hatora haze vesamtem oto mitsad aron berit-Adonay elohekhem vehaya-sham bekha leed | Tomai este Livro da Lei, e ponde-o ao lado da arca do pacto do Eterno, vosso Deus, para que ali fique como testemunha contra ti, |
| 31:27 | כִּי אָנֹכִי יָדַעְתִּי אֶת-מֶרְיְךָ, וְאֶת-עָרְפְּךָ הַקָּשֶׁה; הֵן בְּעוֹדֶנִּי חַי עִמָּכֶם הַיּוֹם, מַמְרִים הֱיִתֶם עִם-יְהוָה, וְאַף, כִּי-אַחֲרֵי מוֹתִי׃ | ki anokhi yadati et-meryekha veet-orpekha hakashe hen beodeni khay imakhem hayom mamrim heyitem im-Adonay veaf ki-akhare moti | porque eu conheço a tua rebeldia e a tua dura cerviz; eis que, estando eu ainda hoje vivo convosco, rebeldes fostes para com o Eterno; quanto mais o sereis depois da minha morte? |
| 31:28 | הַקְהִילוּ אֵלַי אֶת-כָּל-זִקְנֵי שִׁבְטֵיכֶם, וְשֹׁטְרֵיכֶם; וַאֲדַבְּרָה בְאָזְנֵיהֶם, אֵת הַדְּבָרִים הָאֵלֶּה, וְאָעִידָה בָּם, אֶת-הַשָּׁמַיִם וְאֶת-הָאָרֶץ׃ | hakhilu elay et-kol-zikne shivtekhem veshotrekhem vaadabra veoznehem et hadevarim haele veaida bam et-hashamayim veet-haarets | Congregai-me todos os anciãos de vossas tribos e vossos guardas, para que eu diga em sua presença estas palavras, e ponha os céus e a terra por testemunhas contra eles. |
| 31:29 | כִּי-יָדַעְתִּי, אַחֲרֵי מוֹתִי כִּי-הַשְׁחֵת תַּשְׁחִתוּן, וְסַרְתֶּם מִן-הַדֶּרֶךְ, אֲשֶׁר צִוִּיתִי אֶתְכֶם; וְקָרָאת אֶתְכֶם הָרָעָה, בְּאַחֲרִית הַיָּמִים--כִּי-תַעֲשׂוּ אֶת-הָרַע בְּעֵינֵי יְהוָה, לְהַכְעִיסוֹ בְּמַעֲשֵׂה יְדֵיכֶם׃ | ki-yadati akhare moti ki-hashkhet tashkhitun vesartem min-haderekh asher tsiviti etkhem vekarat etkhem haraa beakharit hayamim ki-taasu et-hara beene Adonay lehakhiso bemaase yedeykhem | Porque eu sei que, depois da minha morte, certamente vos corrompereis, e vos desviareis do caminho que vos ordenei, e vos sobrevirá o mal nos dias vindouros, por fazerdes o que é mau aos olhos do Eterno, provocando-o à ira com a obra das vossas mãos. |
| 31:30 | וַיְדַבֵּר מֹשֶׁה, בְּאָזְנֵי כָּל-קְהַל יִשְׂרָאֵל, אֶת-דִּבְרֵי הַשִּׁירָה, הַזֹּאת--עַד, תֻּמָּם׃ | vayedaber moshe beozne kol-kehal yisrael et-divre hashira hazot ad tumam | E falou Moisés aos ouvidos de toda a congregação de Israel as palavras deste cântico, até as concluir. |
Maftir (31:28–31:30, repetição)
| Vers. | עברית | Transliteração | Português |
|---|---|---|---|
| 31:28 | הַקְהִילוּ אֵלַי אֶת-כָּל-זִקְנֵי שִׁבְטֵיכֶם, וְשֹׁטְרֵיכֶם; וַאֲדַבְּרָה בְאָזְנֵיהֶם, אֵת הַדְּבָרִים הָאֵלֶּה, וְאָעִידָה בָּם, אֶת-הַשָּׁמַיִם וְאֶת-הָאָרֶץ׃ | hakhilu elay et-kol-zikne shivtekhem veshotrekhem vaadabra veoznehem et hadevarim haele veaida bam et-hashamayim veet-haarets | Congregai-me todos os anciãos de vossas tribos e vossos guardas, para que eu diga em sua presença estas palavras, e ponha os céus e a terra por testemunhas contra eles. |
| 31:29 | כִּי-יָדַעְתִּי, אַחֲרֵי מוֹתִי כִּי-הַשְׁחֵת תַּשְׁחִתוּן, וְסַרְתֶּם מִן-הַדֶּרֶךְ, אֲשֶׁר צִוִּיתִי אֶתְכֶם; וְקָרָאת אֶתְכֶם הָרָעָה, בְּאַחֲרִית הַיָּמִים--כִּי-תַעֲשׂוּ אֶת-הָרַע בְּעֵינֵי יְהוָה, לְהַכְעִיסוֹ בְּמַעֲשֵׂה יְדֵיכֶם׃ | ki-yadati akhare moti ki-hashkhet tashkhitun vesartem min-haderekh asher tsiviti etkhem vekarat etkhem haraa beakharit hayamim ki-taasu et-hara beene Adonay lehakhiso bemaase yedeykhem | Porque eu sei que, depois da minha morte, certamente vos corrompereis, e vos desviareis do caminho que vos ordenei, e vos sobrevirá o mal nos dias vindouros, por fazerdes o que é mau aos olhos do Eterno, provocando-o à ira com a obra das vossas mãos. |
| 31:30 | וַיְדַבֵּר מֹשֶׁה, בְּאָזְנֵי כָּל-קְהַל יִשְׂרָאֵל, אֶת-דִּבְרֵי הַשִּׁירָה, הַזֹּאת--עַד, תֻּמָּם׃ | vayedaber moshe beozne kol-kehal yisrael et-divre hashira hazot ad tumam | E falou Moisés aos ouvidos de toda a congregação de Israel as palavras deste cântico, até as concluir. |
Haftará — Sétima de Consolação (Isaías 61:10–63:9)
| Vers. | עברית | Transliteração | Português |
|---|---|---|---|
| 61:10 | שׂוֹשׂ אָשִׂישׂ בַּיהוָה, תָּגֵל נַפְשִׁי בֵּאלֹהַי--כִּי הִלְבִּישַׁנִי בִּגְדֵי-יֶשַׁע, מְעִיל צְדָקָה יְעָטָנִי: כֶּחָתָן יְכַהֵן פְּאֵר, וְכַכַּלָּה תַּעְדֶּה כֵלֶיהָ׃ | sos asis b'Adonay tagel nafshi belohay ki hilbishani bigde-yesha meil tsedaka yeatani kekhatan yekhahen peer vekakala taade keleha | Muito me alegrarei no Eterno, minha alma se regozijará no meu Deus; porque me vestiu com vestes de salvação, cobriu-me com manto de justiça, como noivo que se adorna com diadema sacerdotal, e como noiva que se enfeita com suas jóias. |
| 61:11 | כִּי כָאָרֶץ תּוֹצִיא צִמְחָהּ, וּכְגַנָּה זֵרוּעֶיהָ תַצְמִיחַ--כֵּן אֲדֹנָי יְהוִה, יַצְמִיחַ צְדָקָה וּתְהִלָּה, נֶגֶד, כָּל-הַגּוֹיִם׃ | ki kaarets totsi tsimkha ukhegana zerueha tatsmiakh ken Adonay elohim yatsmiakh tsedaka utehila neged kol-hagoyim | Porque, como a terra faz brotar o seu renovo, e como o jardim faz germinar o que nele se semeia, assim o Eterno Deus fará brotar a justiça e o louvor diante de todas as nações. |
| 62:1 | לְמַעַן צִיּוֹן לֹא אֶחֱשֶׁה, וּלְמַעַן יְרוּשָׁלִַם לֹא אֶשְׁקוֹט, עַד-יֵצֵא כַנֹּגַהּ צִדְקָהּ, וִישׁוּעָתָהּ כְּלַפִּיד יִבְעָר׃ | lemaan tsiyon lo ekheshe ulemaan yerushalayim lo eshkot ad-yetse khanoga tsidka vishuata kelapid yivar | Por amor de Sião não me calarei, e por amor de Jerusalém não descansarei, até que saia como resplendor a sua justiça, e a sua salvação se acenda como tocha. |
| 62:2 | וְרָאוּ גוֹיִם צִדְקֵךְ, וְכָל-מְלָכִים כְּבוֹדֵךְ; וְקֹרָא לָךְ שֵׁם חָדָשׁ, אֲשֶׁר פִּי יְהוָה יִקֳּבֶנּוּ׃ | verau goyim tsidkekh vekhol-melakhim kevodekh vekora lakh shem khadash asher pi Adonay yikovenu | E as nações verão a tua justiça, e todos os reis a tua glória; e serás chamada por um nome novo, que a boca do Eterno pronunciará. |
| 62:3 | וְהָיִית עֲטֶרֶת תִּפְאֶרֶת, בְּיַד-יְהוָה; וצנוף וּצְנִיף מְלוּכָה, בְּכַף-אֱלֹהָיִךְ׃ | vehayit ateret tiferet beyad-Adonay utsnif melukha bekhaf-elohayikh | E serás coroa de glória na mão do Eterno, e diadema real na palma do teu Deus. |
| 62:4 | לֹא-יֵאָמֵר לָךְ עוֹד עֲזוּבָה, וּלְאַרְצֵךְ לֹא-יֵאָמֵר עוֹד שְׁמָמָה--כִּי לָךְ יִקָּרֵא חֶפְצִי-בָהּ, וּלְאַרְצֵךְ בְּעוּלָה: כִּי-חָפֵץ יְהוָה בָּךְ, וְאַרְצֵךְ תִּבָּעֵל׃ | lo-ye'amer lakh od azuva ulartsekh lo-ye'amer od shemama ki lakh yikare kheftsi-bah ulartsekh beula ki-khafets Adonay bakh vartsekh tibael | Nunca mais te chamarão Abandonada, nem à tua terra se chamará mais Desolada; mas serás chamada Meu Deleite Está Nela, e a tua terra, Desposada; porque o Eterno se deleita em ti, e a tua terra será desposada. |
| 62:5 | כִּי-יִבְעַל בָּחוּר בְּתוּלָה, יִבְעָלוּךְ בָּנָיִךְ; וּמְשׂוֹשׂ חָתָן עַל-כַּלָּה, יָשִׂישׂ עָלַיִךְ אֱלֹהָיִךְ׃ | ki-yival bakhur betula yivalukh banayikh umsos khatan al-kala yasis alayikh elohayikh | Porque, como o jovem se desposa com a donzela, se desposarão contigo os teus filhos; e como o noivo se alegra com a noiva, se alegrará o teu Deus contigo. |
| 62:6 | עַל-חוֹמֹתַיִךְ יְרוּשָׁלִַם, הִפְקַדְתִּי שֹׁמְרִים--כָּל-הַיּוֹם וְכָל-הַלַּיְלָה תָּמִיד, לֹא יֶחֱשׁוּ; הַמַּזְכִּרִים, אֶת-יְהוָה--אַל-דֳּמִי, לָכֶם׃ | al-khomotayikh yerushalayim hifkadti shomrim kol-hayom vekhol-halayla tamid lo yekheshu hamazkirim et-Adonay al-dami lakhem | Sobre os teus muros, ó Jerusalém, pus guardas; todo o dia e toda a noite jamais se calarão. Vós que fazeis lembrar o Eterno, não vos deis descanso, |
| 62:7 | וְאַל-תִּתְּנוּ דֳמִי, לוֹ: עַד-יְכוֹנֵן וְעַד-יָשִׂים אֶת-יְרוּשָׁלִַם, תְּהִלָּה--בָּאָרֶץ׃ | veal-titnu dami lo ad-yekhonen vead-yasim et-yerushalayim tehila baarets | nem lhe deis descanso a Ele, até que estabeleça e até que faça de Jerusalém um louvor na terra. |
| 62:8 | נִשְׁבַּע יְהוָה בִּימִינוֹ, וּבִזְרוֹעַ עֻזּוֹ: אִם-אֶתֵּן אֶת-דְּגָנֵךְ עוֹד מַאֲכָל, לְאֹיְבַיִךְ, וְאִם-יִשְׁתּוּ בְנֵי-נֵכָר תִּירוֹשֵׁךְ, אֲשֶׁר יָגַעַתְּ בּוֹ׃ | nishba Adonay bimino uvizroa uzo im-eten et-deganekh od maakhal leoyvayikh veim-yishtu vne-nekhar tiroshekh asher yagaat bo | Jurou o Eterno pela sua destra e pelo braço do seu poder: Nunca mais darei o teu trigo por alimento aos teus inimigos, nem beberão os estrangeiros o teu vinho, pelo qual trabalhaste; |
| 62:9 | כִּי מְאַסְפָיו יֹאכְלֻהוּ, וְהִלְלוּ אֶת-יְהוָה; וּמְקַבְּצָיו יִשְׁתֻּהוּ, בְּחַצְרוֹת קָדְשִׁי׃ | ki measfav yokhluhu vehillu et-Adonay umkabtsav yishtuhu bekhatsrot kadshi | mas os que o colherem o comerão, e louvarão ao Eterno; e os que o recolherem o beberão nos átrios do meu santuário. |
| 62:10 | עִבְרוּ עִבְרוּ בַּשְּׁעָרִים, פַּנּוּ דֶּרֶךְ הָעָם; סֹלּוּ סֹלּוּ הַמְסִלָּה סַקְּלוּ מֵאֶבֶן, הָרִימוּ נֵס עַל-הָעַמִּים׃ | ivru ivru bashearim panu derekh haam solu solu hamesila sakelu meeven harimu nes al-haamim | Passai, passai pelas portas, preparai o caminho ao povo; aplanai, aplanai a estrada, tirai as pedras, levantai bandeira sobre os povos. |
| 62:11 | הִנֵּה יְהוָה, הִשְׁמִיעַ אֶל-קְצֵה הָאָרֶץ, אִמְרוּ לְבַת-צִיּוֹן, הִנֵּה יִשְׁעֵךְ בָּא; הִנֵּה שְׂכָרוֹ אִתּוֹ, וּפְעֻלָּתוֹ לְפָנָיו׃ | hine Adonay hishmia el-ktse haarets imru levat-tsiyon hine yishekh ba hine sekharo ito ufeulato lefanav | Eis que o Eterno fez ouvir até à extremidade da terra: Dizei à filha de Sião: Eis que vem a tua salvação; eis que vem com Ele o seu galardão, e diante dEle a sua obra. |
| 62:12 | וְקָרְאוּ לָהֶם עַם-הַקֹּדֶשׁ, גְּאוּלֵי יְהוָה; וְלָךְ יִקָּרֵא דְרוּשָׁה, עִיר לֹא נֶעֱזָבָה׃ | vekaru lahem am-hakodesh geule Adonay velakh yikare derusha ir lo neezava | E chamar-lhes-ão Povo Santo, Redimidos do Eterno; e a ti te chamarão Buscada, Cidade Não Abandonada. |
| 63:1 | מִי-זֶה בָּא מֵאֱדוֹם, חֲמוּץ בְּגָדִים מִבָּצְרָה, זֶה הָדוּר בִּלְבוּשׁוֹ, צֹעֶה בְּרֹב כֹּחוֹ; אֲנִי מְדַבֵּר בִּצְדָקָה, רַב לְהוֹשִׁיעַ׃ | mi-ze ba meedom khamuts begadim mibatsra ze hadur bilvusho tsoe berov kokho ani medaber bitsdaka rav lehoshia | Quem é este que vem de Edom, de Bozra, com vestes tingidas de vermelho? Este, formoso em sua veste, que marcha na grandeza da sua força? “Eu, que falo em justiça, poderoso para salvar.” |
| 63:2 | מַדּוּעַ אָדֹם, לִלְבוּשֶׁךָ; וּבְגָדֶיךָ, כְּדֹרֵךְ בְּגַת׃ | madua adom lilvushekha uvgadeykha kedorekh begat | Por que é vermelha a tua veste, e as tuas roupas como as daquele que pisa no lagar? |
| 63:3 | פּוּרָה דָּרַכְתִּי לְבַדִּי, וּמֵעַמִּים אֵין-אִישׁ אִתִּי, וְאֶדְרְכֵם בְּאַפִּי, וְאֶרְמְסֵם בַּחֲמָתִי; וְיֵז נִצְחָם עַל-בְּגָדַי, וְכָל-מַלְבּוּשַׁי אֶגְאָלְתִּי׃ | pura darakhti levadi umeamim en-ish iti veedrekhem beapi veermesem bakhamati veyez nitskham al-begaday vekhol-malbushay egalti | Sozinho pisei o lagar, e dos povos ninguém estava comigo; pisei-os na minha ira, e calquei-os no meu furor; o seu sangue salpicou as minhas vestes, e manchei toda a minha roupa. |
| 63:4 | כִּי יוֹם נָקָם, בְּלִבִּי; וּשְׁנַת גְּאוּלַי, בָּאָה׃ | ki yom nakam belibi ushnat geulay baa | Porque o dia da vingança estava no meu coração, e o ano dos meus redimidos havia chegado. |
| 63:5 | וְאַבִּיט וְאֵין עֹזֵר, וְאֶשְׁתּוֹמֵם וְאֵין סוֹמֵךְ; וַתּוֹשַׁע לִי זְרֹעִי, וַחֲמָתִי הִיא סְמָכָתְנִי׃ | veabit veen ozer veeshtomem veen somekh vatosha li zeroi vakhamati hi semakhatni | E olhei, e não havia quem ajudasse, e espantei-me de que não houvesse quem sustentasse; então o meu próprio braço me trouxe salvação, e o meu furor me sustentou. |
| 63:6 | וְאָבוּס עַמִּים בְּאַפִּי, וַאֲשַׁכְּרֵם בַּחֲמָתִי; וְאוֹרִיד לָאָרֶץ, נִצְחָם׃ | veavus amim beapi vaashakrem bakhamati veorid laarets nitskham | E calquei os povos na minha ira, e embriaguei-os no meu furor, e derramei na terra o seu sangue. |
| 63:7 | חַסְדֵי יְהוָה אַזְכִּיר, תְּהִלֹּת יְהוָה, כְּעַל, כֹּל אֲשֶׁר-גְּמָלָנוּ יְהוָה; וְרַב-טוּב לְבֵית יִשְׂרָאֵל, אֲשֶׁר-גְּמָלָם כְּרַחֲמָיו וּכְרֹב חֲסָדָיו׃ | khasde Adonay azkir tehilot Adonay keal kol asher-gemalanu Adonay verav-tuv levet yisrael asher-gemalam kerakhamav ukhrov khasadav | As misericórdias do Eterno recordarei, os louvores do Eterno, conforme tudo o que o Eterno nos concedeu, e a grande bondade para com a casa de Israel, que lhes concedeu segundo as suas compaixões e segundo a multidão das suas misericórdias. |
| 63:8 | וַיֹּאמֶר אַךְ-עַמִּי הֵמָּה, בָּנִים לֹא יְשַׁקֵּרוּ; וַיְהִי לָהֶם, לְמוֹשִׁיעַ׃ | vayomer akh-ami hema banim lo yeshakeru vayehi lahem lemoshia | E disse: Certamente eles são o meu povo, filhos que não mentirão; e foi para eles Salvador. |
| 63:9 | בְּכָל-צָרָתָם לא לוֹ צָר, וּמַלְאַךְ פָּנָיו הוֹשִׁיעָם--בְּאַהֲבָתוֹ וּבְחֶמְלָתוֹ, הוּא גְאָלָם; וַיְנַטְּלֵם וַיְנַשְּׂאֵם, כָּל-יְמֵי עוֹלָם׃ | bekhol-tsaratam lo lo tsar umalakh panav hoshiam beahavato uvekhemlato hu gealam vayenatlem vayenaseem kol-yeme olam | Em toda a angústia deles, Ele foi angustiado, e o anjo da sua presença os salvou; no seu amor e na sua compaixão os remiu; e os levantou, e os carregou todos os dias da antiguidade. |