Aliya ya 1 (29:9–29:28)
| Aya | עברית | Tafsiri ya Sauti | Kiswahili |
|---|---|---|---|
| 29:9 | אַתֶּם נִצָּבִים הַיּוֹם כֻּלְּכֶם, לִפְנֵי יְהוָה אֱלֹהֵיכֶם: רָאשֵׁיכֶם שִׁבְטֵיכֶם, זִקְנֵיכֶם וְשֹׁטְרֵיכֶם, כֹּל, אִישׁ יִשְׂרָאֵל׃ | atem nitsavim hayom kulkhem lifne Adonay elohekhem rashekhem shivtekhem ziknekhem veshotrekhem kol ish yisrael | Ninyi nyote mnasimama leo mbele za Yeye wa Milele, Mungu wenu: wakuu wa makabila yenu, wazee wenu na maafisa wenu, watu wote wa Israeli; |
| 29:10 | טַפְּכֶם נְשֵׁיכֶם--וְגֵרְךָ, אֲשֶׁר בְּקֶרֶב מַחֲנֶיךָ: מֵחֹטֵב עֵצֶיךָ, עַד שֹׁאֵב מֵימֶיךָ׃ | tapkhem neshekhem vegerkha asher bekerev majaneykha mejotev etseykha ad shoev meymeykha | watoto wenu, wake zenu, na mgeni aliye katikati ya kambi yako, tangu mkata kuni wako hadi mtekaji maji wako; |
| 29:11 | לְעָבְרְךָ, בִּבְרִית יְהוָה אֱלֹהֶיךָ--וּבְאָלָתוֹ: אֲשֶׁר יְהוָה אֱלֹהֶיךָ, כֹּרֵת עִמְּךָ הַיּוֹם׃ | leovrekha bivrit Adonay elohekha uvealato asher Adonay elohekha koret imkha hayom | ili uingie katika agano la Yeye wa Milele, Mungu wako, na katika kiapo ambacho Yeye wa Milele, Mungu wako, anafanya nawe leo; |
| 29:12 | לְמַעַן הָקִים-אֹתְךָ הַיּוֹם לוֹ לְעָם, וְהוּא יִהְיֶה-לְּךָ לֵאלֹהִים--כַּאֲשֶׁר, דִּבֶּר-לָךְ; וְכַאֲשֶׁר נִשְׁבַּע לַאֲבֹתֶיךָ, לְאַבְרָהָם לְיִצְחָק וּלְיַעֲקֹב׃ | lemaan hakim-otekha hayom lo leam vehu yihye-lekha lelohim kaasher diber-lakh vekaasher nishba laavotekha le-avraham le-yitsjak ule-yaakov | ili akuweke leo kuwa watu wake, naye awe Mungu kwako, kama alivyokuambia na kama alivyowaapia baba zako, Abrahamu, Isaka na Yakobo. |
| 29:13 | וְלֹא אִתְּכֶם, לְבַדְּכֶם--אָנֹכִי, כֹּרֵת אֶת-הַבְּרִית הַזֹּאת, וְאֶת-הָאָלָה, הַזֹּאת׃ | velo itkhem levadkhem anokhi koret et-haberit hazot veet-haala hazot | Wala si nanyi tu ninafanya agano hili na kiapo hiki, |
| 29:14 | כִּי אֶת-אֲשֶׁר יֶשְׁנוֹ פֹּה, עִמָּנוּ עֹמֵד הַיּוֹם, לִפְנֵי, יְהוָה אֱלֹהֵינוּ; וְאֵת אֲשֶׁר אֵינֶנּוּ פֹּה, עִמָּנוּ הַיּוֹם׃ | ki et-asher yeshno po imanu omed hayom lifne Adonay elohenu veet asher eynenu po imanu hayom | bali na yeye aliye hapa pamoja nasi leo mbele za Yeye wa Milele, Mungu wetu, na yeye asiye hapa pamoja nasi leo; |
| 29:15 | כִּי-אַתֶּם יְדַעְתֶּם, אֵת אֲשֶׁר-יָשַׁבְנוּ בְּאֶרֶץ מִצְרָיִם, וְאֵת אֲשֶׁר-עָבַרְנוּ בְּקֶרֶב הַגּוֹיִם, אֲשֶׁר עֲבַרְתֶּם׃ | ki-atem yedatem et asher-yashavnu beerets mitsrayim veet asher-avarnu bekerev hagoyim asher avartem | kwa maana mnajua jinsi tulivyoishi katika nchi ya Misri, na jinsi tulivyopita katikati ya mataifa mliyopita ndani yake; |
| 29:16 | וַתִּרְאוּ, אֶת-שִׁקּוּצֵיהֶם, וְאֵת, גִּלֻּלֵיהֶם--עֵץ וָאֶבֶן, כֶּסֶף וְזָהָב אֲשֶׁר עִמָּהֶם׃ | vatiru et-shikutsehem veet gilulehem ets vaeven kesef vezahav asher imahem | nanyi mliona machukizo yao na sanamu zao za mti na jiwe, za fedha na dhahabu, zilizokuwa pamoja nao; |
| 29:17 | פֶּן-יֵשׁ בָּכֶם אִישׁ אוֹ-אִשָּׁה אוֹ מִשְׁפָּחָה אוֹ-שֵׁבֶט, אֲשֶׁר לְבָבוֹ פֹנֶה הַיּוֹם מֵעִם יְהוָה אֱלֹהֵינוּ, לָלֶכֶת לַעֲבֹד, אֶת-אֱלֹהֵי הַגּוֹיִם הָהֵם: פֶּן-יֵשׁ בָּכֶם, שֹׁרֶשׁ פֹּרֶה רֹאשׁ--וְלַעֲנָה׃ | pen-yesh bakhem ish o-isha o mishpaja o-shevet asher levavo fone hayom meim Adonay elohenu lalejet laavod et-elohe hagoyim hahem pen-yesh bakhem shoresh pore rosh velaana | ili pasiwe kati yenu mwanamume au mwanamke, au jamaa au kabila, ambaye moyo wake ugeuke leo kutoka kwa Yeye wa Milele, Mungu wetu, kwenda kutumikia miungu ya mataifa hayo; ili pasiwe kati yenu shina litoalo sumu na pakanga; |
| 29:18 | וְהָיָה בְּשָׁמְעוֹ אֶת-דִּבְרֵי הָאָלָה הַזֹּאת, וְהִתְבָּרֵךְ בִּלְבָבוֹ לֵאמֹר שָׁלוֹם יִהְיֶה-לִּי--כִּי בִּשְׁרִרוּת לִבִּי, אֵלֵךְ: לְמַעַן סְפוֹת הָרָוָה, אֶת-הַצְּמֵאָה׃ | vehaya beshomo et-divre haala hazot vehitbarekh bilvavo lemor shalom yihye-li ki bishrirut libi elekh lemaan sefot harave et-hatsmea | na itakuwa, asikiapo maneno ya laana hii, ajibariki moyoni mwake, akisema: “Nitakuwa na amani, ijapokuwa nitakwenda kwa ukaidi wa moyo wangu” — na hivyo kuongeza maangamizi ya aliyeshiba juu ya mwenye kiu. |
| 29:19 | לֹא-יֹאבֶה יְהוָה, סְלֹחַ לוֹ--כִּי אָז יֶעְשַׁן אַף-יְהוָה וְקִנְאָתוֹ בָּאִישׁ הַהוּא, וְרָבְצָה בּוֹ כָּל-הָאָלָה הַכְּתוּבָה בַּסֵּפֶר הַזֶּה; וּמָחָה יְהוָה אֶת-שְׁמוֹ, מִתַּחַת הַשָּׁמָיִם׃ | lo-yove Adonay seloaj lo ki az yeshan af-Adonay vekinato baish hahu veravtsa bo kol-haala haktuva basefer haze umaja Adonay et-shemo mitajat hashamayim | Yeye wa Milele hatakubali kumsamehe, bali hasira ya Yeye wa Milele na wivu wake utawaka juu ya mtu huyo, na laana yote iliyoandikwa katika kitabu hiki itakaa juu yake, na Yeye wa Milele atalifuta jina lake chini ya mbingu; |
| 29:20 | וְהִבְדִּילוֹ יְהוָה לְרָעָה, מִכֹּל שִׁבְטֵי יִשְׂרָאֵל--כְּכֹל, אָלוֹת הַבְּרִית, הַכְּתוּבָה, בְּסֵפֶר הַתּוֹרָה הַזֶּה׃ | vehivdilo Adonay leraa mikol shivte yisrael kekhol alot haberit haktuva besefer hatora haze | na Yeye wa Milele atamtenga kwa mabaya na makabila yote ya Israeli, kulingana na laana zote za agano zilizoandikwa katika kitabu hiki cha Sheria. |
| 29:21 | וְאָמַר הַדּוֹר הָאַחֲרוֹן, בְּנֵיכֶם אֲשֶׁר יָקוּמוּ מֵאַחֲרֵיכֶם, וְהַנָּכְרִי, אֲשֶׁר יָבֹא מֵאֶרֶץ רְחוֹקָה; וְרָאוּ אֶת-מַכּוֹת הָאָרֶץ הַהִוא, וְאֶת-תַּחֲלֻאֶיהָ, אֲשֶׁר-חִלָּה יְהוָה, בָּהּ׃ | veamar hador haajaron benekhem asher yakumu meajarekhem vehanokhri asher yavo meerets rejoka verau et-makot haarets hahi veet-tajaleha asher-jila Adonay ba | Na kizazi kijacho, watoto wenu watakaoinuka baada yenu, na mgeni atakayekuja kutoka nchi ya mbali, watasema, wakiona mapigo ya nchi hiyo na magonjwa aliyoipiga Yeye wa Milele; |
| 29:22 | גָּפְרִית וָמֶלַח, שְׂרֵפָה כָל-אַרְצָהּ--לֹא תִזָּרַע וְלֹא תַצְמִחַ, וְלֹא-יַעֲלֶה בָהּ כָּל-עֵשֶׂב: כְּמַהְפֵּכַת סְדֹם וַעֲמֹרָה, אַדְמָה וּצְבֹיִים, אֲשֶׁר הָפַךְ יְהוָה, בְּאַפּוֹ וּבַחֲמָתוֹ׃ | gofrit vamelaj serefa kol-artsa lo tizara velo tatsmiaj velo-yaale va kol-esev kemahpekhat sedom vaamora adma utsvoyim asher hafakh Adonay beapo uvajamato | wakiona ya kuwa nchi yake yote ni kiberiti na chumvi, kuungua, haipandwi wala haitoi kitu, wala haioti majani juu yake, kama vile kupinduliwa kwa Sodoma na Gomora, Adma na Seboimu, ambayo Yeye wa Milele aliyapindua kwa hasira yake na ghadhabu yake — |
| 29:23 | וְאָמְרוּ, כָּל-הַגּוֹיִם, עַל-מֶה עָשָׂה יְהוָה כָּכָה, לָאָרֶץ הַזֹּאת; מֶה חֳרִי הָאַף הַגָּדוֹל, הַזֶּה׃ | veamru kol-hagoyim al-me asa Adonay kakha laarets hazot me jori haaf hagadol haze | mataifa yote yatasema: “Kwa nini Yeye wa Milele ameifanyia nchi hii hivi? Ni nini sababu ya hasira hii kuu na iwakayo?” |
| 29:24 | וְאָמְרוּ--עַל אֲשֶׁר עָזְבוּ, אֶת-בְּרִית יְהוָה אֱלֹהֵי אֲבֹתָם: אֲשֶׁר כָּרַת עִמָּם, בְּהוֹצִיאוֹ אֹתָם מֵאֶרֶץ מִצְרָיִם׃ | veamru al asher azvu et-berit Adonay elohe avotam asher karat imam behotsio otam meerets mitsrayim | Nao watajibu: “Kwa sababu waliliacha agano la Yeye wa Milele, Mungu wa baba zao, alilofanya nao alipowatoa katika nchi ya Misri; |
| 29:25 | וַיֵּלְכוּ, וַיַּעַבְדוּ אֱלֹהִים אֲחֵרִים, וַיִּשְׁתַּחֲווּ, לָהֶם: אֱלֹהִים אֲשֶׁר לֹא-יְדָעוּם, וְלֹא חָלַק לָהֶם׃ | vayelkhu vayaavdu elohim ajerim vayishtajavu lahem elohim asher lo-yedaum velo jalak lahem | nao wakaenda wakatumikia miungu mingine, wakaisujudia, miungu wasiyoijua, na Yeye asiyowagawia. |
| 29:26 | וַיִּחַר-אַף יְהוָה, בָּאָרֶץ הַהִוא, לְהָבִיא עָלֶיהָ אֶת-כָּל-הַקְּלָלָה, הַכְּתוּבָה בַּסֵּפֶר הַזֶּה׃ | vayijar-af Adonay baarets hahi lehavi aleha et-kol-hakelala haktuva basefer haze | Kwa hiyo hasira ya Yeye wa Milele iliwaka juu ya nchi hiyo, ili kuileta juu yake laana yote iliyoandikwa katika kitabu hiki; |
| 29:27 | וַיִּתְּשֵׁם יְהוָה מֵעַל אַדְמָתָם, בְּאַף וּבְחֵמָה וּבְקֶצֶף גָּדוֹל; וַיַּשְׁלִכֵם אֶל-אֶרֶץ אַחֶרֶת, כַּיּוֹם הַזֶּה׃ | vayitshem Adonay meal admatam beaf uvejema uvketsef gadol vayashlikhem el-erets ajeret kayom haze | na kwa hasira, kwa ghadhabu na kwa ukali mkuu, Yeye wa Milele aliwang'oa katika nchi yao, akawatupa katika nchi nyingine, kama ilivyo leo.” |
| 29:28 | הַנִּסְתָּרֹת--לַיהוָה, אֱלֹהֵינוּ; וְהַנִּגְלֹת לָנוּ וּלְבָנֵינוּ, עַד-עוֹלָם--לַעֲשׂוֹת, אֶת-כָּל-דִּבְרֵי הַתּוֹרָה הַזֹּאת׃ | hanistarot l'Adonay elohenu vehaniglot lanu ulvanenu ad-olam laasot et-kol-divre hatora hazot | Mambo ya siri ni ya Yeye wa Milele, Mungu wetu; bali mambo yaliyofunuliwa ni yetu na ya watoto wetu milele, ili tuyatende maneno yote ya Sheria hii. |
Aliya ya 2 (30:1–30:6)
| Aya | עברית | Tafsiri ya Sauti | Kiswahili |
|---|---|---|---|
| 30:1 | וְהָיָה כִי-יָבֹאוּ עָלֶיךָ כָּל-הַדְּבָרִים הָאֵלֶּה, הַבְּרָכָה וְהַקְּלָלָה, אֲשֶׁר נָתַתִּי, לְפָנֶיךָ; וַהֲשֵׁבֹתָ, אֶל-לְבָבֶךָ, בְּכָל-הַגּוֹיִם, אֲשֶׁר הִדִּיחֲךָ יְהוָה אֱלֹהֶיךָ שָׁמָּה׃ | vehaya ki-yavou aleykha kol-hadevarim haele haberakha vehakelala asher natati lefaneykha vahashevota el-levavekha bekhol-hagoyim asher hidijakha Adonay elohekha shama | Na itakuwa, mambo haya yote yatakapokujia, baraka na laana niliyoiweka mbele yako, nawe kuyaweka moyoni mwako katikati ya mataifa yote ambako Yeye wa Milele, Mungu wako, atakuwa amekufukuza, |
| 30:2 | וְשַׁבְתָּ עַד-יְהוָה אֱלֹהֶיךָ, וְשָׁמַעְתָּ בְקֹלוֹ, כְּכֹל אֲשֶׁר-אָנֹכִי מְצַוְּךָ, הַיּוֹם: אַתָּה וּבָנֶיךָ, בְּכָל-לְבָבְךָ וּבְכָל-נַפְשֶׁךָ׃ | veshavta ad-Adonay elohekha veshamata vekolo kekhol asher-anokhi metsavkha hayom ata uvaneykha bekhol-levavkha uvkhol-nafshekha | nawe ukimrudia Yeye wa Milele, Mungu wako, na kuisikiliza sauti yake sawasawa na yote ninayokuamuru leo, wewe na watoto wako, kwa moyo wako wote na roho yako yote, |
| 30:3 | וְשָׁב יְהוָה אֱלֹהֶיךָ אֶת-שְׁבוּתְךָ, וְרִחֲמֶךָ; וְשָׁב, וְקִבֶּצְךָ מִכָּל-הָעַמִּים, אֲשֶׁר הֱפִיצְךָ יְהוָה אֱלֹהֶיךָ, שָׁמָּה׃ | veshav Adonay elohekha et-shevutkha verijamekha veshav vekibetskha mikol-haamim asher hefitskha Adonay elohekha shama | ndipo Yeye wa Milele, Mungu wako, atakapouregeza uhamisho wako na kukuhurumia, naye atakukusanya tena kutoka kwa mataifa yote ambako Yeye wa Milele, Mungu wako, alikuwa amekutawanya. |
| 30:4 | אִם-יִהְיֶה נִדַּחֲךָ, בִּקְצֵה הַשָּׁמָיִם--מִשָּׁם, יְקַבֶּצְךָ יְהוָה אֱלֹהֶיךָ, וּמִשָּׁם, יִקָּחֶךָ׃ | im-yihye nidajakha biktse hashamayim misham yekabetskha Adonay elohekha umisham yikajekha | Hata kama waliofukuzwa wako wangekuwa mwisho wa mbingu, kutoka huko Yeye wa Milele, Mungu wako, atakukusanya, na kutoka huko atakuchukua; |
| 30:5 | וֶהֱבִיאֲךָ יְהוָה אֱלֹהֶיךָ, אֶל-הָאָרֶץ אֲשֶׁר-יָרְשׁוּ אֲבֹתֶיךָ--וִירִשְׁתָּהּ; וְהֵיטִבְךָ וְהִרְבְּךָ, מֵאֲבֹתֶיךָ׃ | vehevi'akha Adonay elohekha el-haarets asher-yarshu avotekha virishtah veheytivkha vehirbekha meavotekha | naye Yeye wa Milele, Mungu wako, atakuleta katika nchi waliyoimiliki baba zako, nawe utaimiliki; naye atakutendea mema na kukuzidisha zaidi ya baba zako. |
| 30:6 | וּמָל יְהוָה אֱלֹהֶיךָ אֶת-לְבָבְךָ, וְאֶת-לְבַב זַרְעֶךָ: לְאַהֲבָה אֶת-יְהוָה אֱלֹהֶיךָ, בְּכָל-לְבָבְךָ וּבְכָל-נַפְשְׁךָ--לְמַעַן חַיֶּיךָ׃ | umal Adonay elohekha et-levavkha veet-levav zarekha leahava et-Adonay elohekha bekhol-levavkha uvkhol-nafshekha lemaan jayeykha | Naye Yeye wa Milele, Mungu wako, atatahiri moyo wako na moyo wa uzao wako, ili umpende Yeye wa Milele, Mungu wako, kwa moyo wako wote na roho yako yote, upate kuishi. |
Aliya ya 3 (30:7–30:14)
| Aya | עברית | Tafsiri ya Sauti | Kiswahili |
|---|---|---|---|
| 30:7 | וְנָתַן יְהוָה אֱלֹהֶיךָ, אֵת כָּל-הָאָלוֹת הָאֵלֶּה, עַל-אֹיְבֶיךָ וְעַל-שֹׂנְאֶיךָ, אֲשֶׁר רְדָפוּךָ׃ | venatan Adonay elohekha et kol-haalot haele al-oyvekha veal-sonekha asher redafukha | Naye Yeye wa Milele, Mungu wako, ataweka laana hizi zote juu ya adui zako na juu ya wale wanaokuchukia, waliokutesa. |
| 30:8 | וְאַתָּה תָשׁוּב, וְשָׁמַעְתָּ בְּקוֹל יְהוָה; וְעָשִׂיתָ, אֶת-כָּל-מִצְוֺתָיו, אֲשֶׁר אָנֹכִי מְצַוְּךָ, הַיּוֹם׃ | veata tashuv veshamata bekol Adonay veasita et-kol-mitsvotav asher anokhi metsavkha hayom | Nawe utarudi na kuisikiliza sauti ya Yeye wa Milele, nawe utazitenda amri zake zote ninazokuamuru leo. |
| 30:9 | וְהוֹתִירְךָ יְהוָה אֱלֹהֶיךָ בְּכֹל מַעֲשֵׂה יָדֶךָ, בִּפְרִי בִטְנְךָ וּבִפְרִי בְהֶמְתְּךָ וּבִפְרִי אַדְמָתְךָ--לְטֹבָה: כִּי יָשׁוּב יְהוָה, לָשׂוּשׂ עָלֶיךָ לְטוֹב, כַּאֲשֶׁר-שָׂשׂ, עַל-אֲבֹתֶיךָ׃ | vehotirkha Adonay elohekha bekhol maase yadekha bifri vitnekha uvifri vehemtekha uvifri admatkha letova ki yashuv Adonay lasus aleykha letov kaasher-sas al-avotekha | Naye Yeye wa Milele, Mungu wako, atakuzidishia mema katika kazi zote za mkono wako, katika tunda la tumbo lako, na tunda la mifugo yako, na tunda la nchi yako, kwa mema; kwa kuwa Yeye wa Milele atafurahi tena juu yako kwa mema, kama alivyofurahi juu ya baba zako, |
| 30:10 | כִּי תִשְׁמַע, בְּקוֹל יְהוָה אֱלֹהֶיךָ, לִשְׁמֹר מִצְוֺתָיו וְחֻקֹּתָיו, הַכְּתוּבָה בְּסֵפֶר הַתּוֹרָה הַזֶּה: כִּי תָשׁוּב אֶל-יְהוָה אֱלֹהֶיךָ, בְּכָל-לְבָבְךָ וּבְכָל-נַפְשֶׁךָ׃ | ki tishma bekol Adonay elohekha lishmor mitsvotav vejukotav haktuva besefer hatora haze ki tashuv el-Adonay elohekha bekhol-levavkha uvkhol-nafshekha | utakaposikiliza sauti ya Yeye wa Milele, Mungu wako, ukishika amri zake na hukumu zake zilizoandikwa katika kitabu hiki cha Sheria; utakapomrudia Yeye wa Milele, Mungu wako, kwa moyo wako wote na roho yako yote. |
| 30:11 | כִּי הַמִּצְוָה הַזֹּאת, אֲשֶׁר אָנֹכִי מְצַוְּךָ הַיּוֹם--לֹא-נִפְלֵאת הִוא מִמְּךָ, וְלֹא רְחֹקָה הִוא׃ | ki hamitsva hazot asher anokhi metsavkha hayom lo-nifleit hi mimkha velo rejoka hi | Kwa maana amri hii ninayokuamuru leo, si ngumu kwako, wala si mbali. |
| 30:12 | לֹא בַשָּׁמַיִם, הִוא: לֵאמֹר, מִי יַעֲלֶה-לָּנוּ הַשָּׁמַיְמָה וְיִקָּחֶהָ לָּנוּ, וְיַשְׁמִעֵנוּ אֹתָהּ, וְנַעֲשֶׂנָּה׃ | lo vashamayim hi lemor mi yaale-lanu hashamayma veyikajeha lanu veyashmienu ota venaasena | Haiko mbinguni, hata useme: “Nani atakwea kwa ajili yetu mbinguni na kuileta kwetu, na kutufanya tuisikie, ili tuitende?” |
| 30:13 | וְלֹא-מֵעֵבֶר לַיָּם, הִוא: לֵאמֹר, מִי יַעֲבָר-לָנוּ אֶל-עֵבֶר הַיָּם וְיִקָּחֶהָ לָּנוּ, וְיַשְׁמִעֵנוּ אֹתָהּ, וְנַעֲשֶׂנָּה׃ | velo-meever layam hi lemor mi yaavar-lanu el-ever hayam veyikajeha lanu veyashmienu ota venaasena | Wala haiko ng'ambo ya bahari, hata useme: “Nani atavuka kwa ajili yetu ng'ambo ya bahari na kuileta kwetu, na kutufanya tuisikie, ili tuitende?” |
| 30:14 | כִּי-קָרוֹב אֵלֶיךָ הַדָּבָר, מְאֹד: בְּפִיךָ וּבִלְבָבְךָ, לַעֲשֹׂתוֹ׃ | ki-karov eleykha hadavar meod befikha uvilvavkha laasoto | Bali neno hilo li karibu sana nawe, katika kinywa chako na moyoni mwako, ili uweze kulitenda. |
Aliya ya 4 (30:15–31:6)
| Aya | עברית | Tafsiri ya Sauti | Kiswahili |
|---|---|---|---|
| 30:15 | רְאֵה נָתַתִּי לְפָנֶיךָ הַיּוֹם, אֶת-הַחַיִּים וְאֶת-הַטּוֹב, וְאֶת-הַמָּוֶת, וְאֶת-הָרָע׃ | re'e natati lefaneykha hayom et-hajayim veet-hatov veet-hamavet veet-hara | Tazama, nimeweka mbele yako leo uzima na mema, na mauti na mabaya; |
| 30:16 | אֲשֶׁר אָנֹכִי מְצַוְּךָ, הַיּוֹם, לְאַהֲבָה אֶת-יְהוָה אֱלֹהֶיךָ לָלֶכֶת בִּדְרָכָיו, וְלִשְׁמֹר מִצְוֺתָיו וְחֻקֹּתָיו וּמִשְׁפָּטָיו; וְחָיִיתָ וְרָבִיתָ--וּבֵרַכְךָ יְהוָה אֱלֹהֶיךָ, בָּאָרֶץ אֲשֶׁר-אַתָּה בָא-שָׁמָּה לְרִשְׁתָּהּ׃ | asher anokhi metsavkha hayom leahava et-Adonay elohekha lalejet bidrakhav velishmor mitsvotav vejukotav umishpatav vejayita veravita uverakhkha Adonay elohekha baarets asher-ata va-shama lerishtah | kwa maana nakuamuru leo kumpenda Yeye wa Milele, Mungu wako, kuenenda katika njia zake, na kuzishika amri zake, hukumu zake na sheria zake, ili upate kuishi na kuzidi, naye Yeye wa Milele, Mungu wako, atakubariki katika nchi unayoingia kuimiliki. |
| 30:17 | וְאִם-יִפְנֶה לְבָבְךָ, וְלֹא תִשְׁמָע; וְנִדַּחְתָּ, וְהִשְׁתַּחֲוִיתָ לֵאלֹהִים אֲחֵרִים--וַעֲבַדְתָּם׃ | veim-yifne levavkha velo tishma venidajta vehishtajavita lelohim ajerim vaavadtam | Lakini kama moyo wako utageuka wala usisikilize, ukashawishika kusujudu miungu mingine na kuitumikia, |
| 30:18 | הִגַּדְתִּי לָכֶם הַיּוֹם, כִּי אָבֹד תֹּאבֵדוּן: לֹא-תַאֲרִיכֻן יָמִים, עַל-הָאֲדָמָה, אֲשֶׁר אַתָּה עֹבֵר אֶת-הַיַּרְדֵּן, לָבוֹא שָׁמָּה לְרִשְׁתָּהּ׃ | higadeti lakhem hayom ki avod tovedun lo-taarikhun yamim al-haadama asher ata over et-hayarden lavo shama lerishtah | nawatangazia leo ya kwamba hakika mtaangamia; hamtazidisha siku zenu katika nchi mnayovuka Yordani kuimiliki. |
| 30:19 | הַעִדֹתִי בָכֶם הַיּוֹם, אֶת-הַשָּׁמַיִם וְאֶת-הָאָרֶץ--הַחַיִּים וְהַמָּוֶת נָתַתִּי לְפָנֶיךָ, הַבְּרָכָה וְהַקְּלָלָה; וּבָחַרְתָּ, בַּחַיִּים--לְמַעַן תִּחְיֶה, אַתָּה וְזַרְעֶךָ׃ | haidoti vakhem hayom et-hashamayim veet-haarets hajayim vehamavet natati lefaneykha haberakha vehakelala uvajarta bajayim lemaan tijye ata vezarekha | Nawaita mbingu na nchi ziwe mashahidi juu yenu leo, ya kwamba nimeweka mbele yako uzima na mauti, baraka na laana; basi chagua uzima, upate kuishi, wewe na uzao wako, |
| 30:20 | לְאַהֲבָה אֶת-יְהוָה אֱלֹהֶיךָ, לִשְׁמֹעַ בְּקֹלוֹ וּלְדָבְקָה-בוֹ: כִּי הוּא חַיֶּיךָ, וְאֹרֶךְ יָמֶיךָ--לָשֶׁבֶת עַל-הָאֲדָמָה אֲשֶׁר נִשְׁבַּע יְהוָה לַאֲבֹתֶיךָ לְאַבְרָהָם לְיִצְחָק וּלְיַעֲקֹב, לָתֵת לָהֶם׃ | leahava et-Adonay elohekha lishmoa bekolo uldovka-vo ki hu jayeykha veorekh yameykha lashevet al-haadama asher nishba Adonay laavotekha le-avraham le-yitsjak ule-yaakov latet lahem | kwa kumpenda Yeye wa Milele, Mungu wako, kuisikiliza sauti yake, na kushikamana naye; kwani hiyo ndiyo uzima wako na urefu wa siku zako, ili ukae katika nchi Yeye wa Milele aliyowaapia baba zako, Abrahamu, Isaka na Yakobo, kuwapa. |
| 31:1 | וַיֵּלֶךְ, מֹשֶׁה; וַיְדַבֵּר אֶת-הַדְּבָרִים הָאֵלֶּה, אֶל-כָּל-יִשְׂרָאֵל׃ | vayelekh moshe vayedaber et-hadevarim haele el-kol-yisrael | Naye Musa akaenda akayanena maneno haya kwa Israeli wote, |
| 31:2 | וַיֹּאמֶר אֲלֵהֶם, בֶּן-מֵאָה וְעֶשְׂרִים שָׁנָה אָנֹכִי הַיּוֹם--לֹא-אוּכַל עוֹד, לָצֵאת וְלָבוֹא; וַיהוָה אָמַר אֵלַי, לֹא תַעֲבֹר אֶת-הַיַּרְדֵּן הַזֶּה׃ | vayomer alehem ben-mea veesrim shana anokhi hayom lo-ukhal od latset velavo v'Adonay amar elay lo taavor et-hayarden haze | akawaambia: Leo mimi ni mwenye umri wa miaka mia na ishirini; siwezi tena kutoka wala kuingia, naye Yeye wa Milele ameniambia: “Hutavuka Yordani hii.” |
| 31:3 | יְהוָה אֱלֹהֶיךָ הוּא עֹבֵר לְפָנֶיךָ, הוּא-יַשְׁמִיד אֶת-הַגּוֹיִם הָאֵלֶּה מִלְּפָנֶיךָ--וִירִשְׁתָּם; יְהוֹשֻׁעַ, הוּא עֹבֵר לְפָנֶיךָ, כַּאֲשֶׁר, דִּבֶּר יְהוָה׃ | Adonay elohekha hu over lefaneykha hu-yashmid et-hagoyim haele milefaneykha virishtam yehoshua hu over lefaneykha kaasher diber Adonay | Yeye wa Milele, Mungu wako, yeye mwenyewe atapita mbele yako; ataangamiza mataifa haya mbele yako, nawe utawamiliki; Yoshua atapita mbele yako, kama Yeye wa Milele alivyosema. |
| 31:4 | וְעָשָׂה יְהוָה, לָהֶם, כַּאֲשֶׁר עָשָׂה לְסִיחוֹן וּלְעוֹג מַלְכֵי הָאֱמֹרִי, וּלְאַרְצָם--אֲשֶׁר הִשְׁמִיד, אֹתָם׃ | veasa Adonay lahem kaasher asa le-sijon ule-og malkhe haemori ulartsam asher hishmid otam | Naye Yeye wa Milele atawatenda kama alivyowatenda Sihoni na Ogu, wafalme wa Waamori, na nchi yao, aliowaangamiza. |
| 31:5 | וּנְתָנָם יְהוָה, לִפְנֵיכֶם; וַעֲשִׂיתֶם לָהֶם--כְּכָל-הַמִּצְוָה, אֲשֶׁר צִוִּיתִי אֶתְכֶם׃ | untanam Adonay lifnekhem vaasitem lahem kekhol-hamitsva asher tsiviti etkhem | Naye Yeye wa Milele atawatia mikononi mwenu, nanyi mtawatenda sawasawa na amri yote niliyowaamuru. |
| 31:6 | חִזְקוּ וְאִמְצוּ, אַל-תִּירְאוּ וְאַל-תַּעַרְצוּ מִפְּנֵיהֶם: כִּי יְהוָה אֱלֹהֶיךָ, הוּא הַהֹלֵךְ עִמָּךְ--לֹא יַרְפְּךָ, וְלֹא יַעַזְבֶךָּ׃ | jizku veimtsu al-tiru veal-taartsu mipnehem ki Adonay elohekha hu haholekh imakh lo yarpekha velo yaazveka | Kuweni hodari na jasiri, msiwaogope wala msifadhaike mbele yao; kwa kuwa Yeye wa Milele, Mungu wako, yeye ndiye anayekwenda pamoja nawe; hatakuacha wala hatakupungukia. |
Aliya ya 5 (31:7–31:13)
| Aya | עברית | Tafsiri ya Sauti | Kiswahili |
|---|---|---|---|
| 31:7 | וַיִּקְרָא מֹשֶׁה לִיהוֹשֻׁעַ, וַיֹּאמֶר אֵלָיו לְעֵינֵי כָל-יִשְׂרָאֵל חֲזַק וֶאֱמָץ--כִּי אַתָּה תָּבוֹא אֶת-הָעָם הַזֶּה, אֶל-הָאָרֶץ אֲשֶׁר נִשְׁבַּע יְהוָה לַאֲבֹתָם לָתֵת לָהֶם; וְאַתָּה, תַּנְחִילֶנָּה אוֹתָם׃ | vayikra moshe li-hoshua vayomer elav leene khol-yisrael jazak veemats ki ata tavo et-haam haze el-haarets asher nishba Adonay laavotam latet lahem veata tanjilena otam | Naye Musa akamwita Yoshua, akamwambia mbele ya macho ya Israeli wote: Uwe hodari na jasiri, kwa kuwa wewe utaingia pamoja na watu hawa katika nchi ambayo Yeye wa Milele aliwaapia baba zao kuwapa, nawe utawarithisha. |
| 31:8 | וַיהוָה הוּא הַהֹלֵךְ לְפָנֶיךָ, הוּא יִהְיֶה עִמָּךְ--לֹא יַרְפְּךָ, וְלֹא יַעַזְבֶךָּ; לֹא תִירָא, וְלֹא תֵחָת׃ | v'Adonay hu haholekh lefaneykha hu yihye imakh lo yarpekha velo yaazveka lo tira velo tejat | Naye Yeye wa Milele ndiye anayekwenda mbele yako; atakuwa pamoja nawe, hatakuacha wala hatakupungukia; usiogope wala usifadhaike. |
| 31:9 | וַיִּכְתֹּב מֹשֶׁה, אֶת-הַתּוֹרָה הַזֹּאת, וַיִּתְּנָהּ אֶל-הַכֹּהֲנִים בְּנֵי לֵוִי, הַנֹּשְׂאִים אֶת-אֲרוֹן בְּרִית יְהוָה; וְאֶל-כָּל-זִקְנֵי, יִשְׂרָאֵל׃ | vayikhtov moshe et-hatora hazot vayitnah el-hakohanim bene levi hanosim et-aron berit Adonay veel-kol-zikne yisrael | Naye Musa akaiandika Sheria hii, akawapa makuhani, wana wa Lawi, waliolibeba sanduku la agano la Yeye wa Milele, na wazee wote wa Israeli. |
| 31:10 | וַיְצַו מֹשֶׁה, אוֹתָם לֵאמֹר: מִקֵּץ שֶׁבַע שָׁנִים, בְּמֹעֵד שְׁנַת הַשְּׁמִטָּה--בְּחַג הַסֻּכּוֹת׃ | vayetsav moshe otam lemor mikets sheva shanim bemoed shnat hashmita bejag hasukot | Naye Musa akawaamuru, akisema: Mwishoni mwa kila miaka saba, wakati uliowekwa wa mwaka wa kuachiliwa, katika sikukuu ya Vibanda, |
| 31:11 | בְּבוֹא כָל-יִשְׂרָאֵל, לֵרָאוֹת אֶת-פְּנֵי יְהוָה אֱלֹהֶיךָ, בַּמָּקוֹם, אֲשֶׁר יִבְחָר: תִּקְרָא אֶת-הַתּוֹרָה הַזֹּאת, נֶגֶד כָּל-יִשְׂרָאֵל--בְּאָזְנֵיהֶם׃ | bevo kol-yisrael lerot et-pene Adonay elohekha bamakom asher yivjar tikra et-hatora hazot neged kol-yisrael beoznehem | Israeli wote watakapokuja kuonekana mbele za Yeye wa Milele, Mungu wako, mahali atakapopachagua, utaisoma Sheria hii mbele ya Israeli wote, masikioni mwao. |
| 31:12 | הַקְהֵל אֶת-הָעָם, הָאֲנָשִׁים וְהַנָּשִׁים וְהַטַּף, וְגֵרְךָ, אֲשֶׁר בִּשְׁעָרֶיךָ--לְמַעַן יִשְׁמְעוּ וּלְמַעַן יִלְמְדוּ, וְיָרְאוּ אֶת-יְהוָה אֱלֹהֵיכֶם, וְשָׁמְרוּ לַעֲשׂוֹת, אֶת-כָּל-דִּבְרֵי הַתּוֹרָה הַזֹּאת׃ | hakhel et-haam haanashim vehanashim vehataf vegerkha asher bishareykha lemaan yishmeu ulemaan yilmedu veyaru et-Adonay elohekhem veshameru laasot et-kol-divre hatora hazot | Wakusanye watu, wanaume na wanawake na watoto, na mgeni wako aliye ndani ya malango yako, ili wasikie na wajifunze, wamche Yeye wa Milele, Mungu wenu, na kuyashika maneno yote ya Sheria hii kuyatenda; |
| 31:13 | וּבְנֵיהֶם אֲשֶׁר לֹא-יָדְעוּ, יִשְׁמְעוּ וְלָמְדוּ--לְיִרְאָה, אֶת-יְהוָה אֱלֹהֵיכֶם: כָּל-הַיָּמִים, אֲשֶׁר אַתֶּם חַיִּים עַל-הָאֲדָמָה, אֲשֶׁר אַתֶּם עֹבְרִים אֶת-הַיַּרְדֵּן שָׁמָּה, לְרִשְׁתָּהּ׃ | uvnehem asher lo-yadu yishmeu velamdu leyira et-Adonay elohekhem kol-hayamim asher atem jayim al-haadama asher atem overim et-hayarden shama lerishtah | na watoto wao wasiojua wasikie na kujifunza kumcha Yeye wa Milele, Mungu wenu, siku zote mtakazoishi katika nchi mnayovuka Yordani kuimiliki. |
Aliya ya 6 (31:14–31:19)
| Aya | עברית | Tafsiri ya Sauti | Kiswahili |
|---|---|---|---|
| 31:14 | וַיֹּאמֶר יְהוָה אֶל-מֹשֶׁה, הֵן קָרְבוּ יָמֶיךָ לָמוּת--קְרָא אֶת-יְהוֹשֻׁעַ וְהִתְיַצְּבוּ בְּאֹהֶל מוֹעֵד, וַאֲצַוֶּנּוּ; וַיֵּלֶךְ מֹשֶׁה וִיהוֹשֻׁעַ, וַיִּתְיַצְּבוּ בְּאֹהֶל מוֹעֵד׃ | vayomer Adonay el-moshe hen karvu yameykha lamut kera et-yehoshua vehityatsevu beohel moed vaatsavenu vayelekh moshe vihoshua vayityatsevu beohel moed | Naye Yeye wa Milele akamwambia Musa: Tazama, siku zako za kufa zimekaribia; mwite Yoshua, mkajionyeshe katika Hema la Kukutania, ili nimpe amri. Naye Musa na Yoshua wakaenda wakajionyesha katika Hema la Kukutania. |
| 31:15 | וַיֵּרָא יְהוָה בָּאֹהֶל, בְּעַמּוּד עָנָן; וַיַּעֲמֹד עַמּוּד הֶעָנָן, עַל-פֶּתַח הָאֹהֶל׃ | vayera Adonay baohel beamud anan vayaamod amud heanan al-petaj haohel | Naye Yeye wa Milele akaonekana hemani, katika nguzo ya wingu; nguzo ile ya wingu ikasimama mlangoni pa hema. |
| 31:16 | וַיֹּאמֶר יְהוָה אֶל-מֹשֶׁה, הִנְּךָ שֹׁכֵב עִם-אֲבֹתֶיךָ; וְקָם הָעָם הַזֶּה וְזָנָה אַחֲרֵי אֱלֹהֵי נֵכַר-הָאָרֶץ, אֲשֶׁר הוּא בָא-שָׁמָּה בְּקִרְבּוֹ, וַעֲזָבַנִי, וְהֵפֵר אֶת-בְּרִיתִי אֲשֶׁר כָּרַתִּי אִתּוֹ׃ | vayomer Adonay el-moshe hinkha shokhev im-avotekha vekam haam haze vezana ajare elohe nejar-haarets asher hu va-shama bekirbo vaazavani vehefer et-briti asher karati ito | Naye Yeye wa Milele akamwambia Musa: Tazama, wewe utalala pamoja na baba zako; nao watu hawa wataondoka na kufanya uzinzi kufuata miungu migeni ya nchi wanayoingia katikati yake, nao wataniacha mimi na kulivunja agano langu nililolifanya nao; |
| 31:17 | וְחָרָה אַפִּי בוֹ בַיּוֹם-הַהוּא וַעֲזַבְתִּים וְהִסְתַּרְתִּי פָנַי מֵהֶם, וְהָיָה לֶאֱכֹל, וּמְצָאֻהוּ רָעוֹת רַבּוֹת, וְצָרוֹת; וְאָמַר, בַּיּוֹם הַהוּא, הֲלֹא עַל כִּי-אֵין אֱלֹהַי בְּקִרְבִּי, מְצָאוּנִי הָרָעוֹת הָאֵלֶּה׃ | vejara api vo bayom-hahu vaazavtim vehistarti fanay mehem vehaya leekhol umetsauhu raot rabot vetsarot veamar bayom hahu halo al ki-en elohay bekirbi metsauni haraot haele | ndipo hasira yangu itawaka juu yao siku hiyo, nami nitawaacha na kuwaficha uso wangu, nao wataliwa, na mabaya mengi na taabu vitawapata; hata watasema siku hiyo: “Je, si kwa sababu Mungu wangu haiko kati yangu mabaya haya yamenipata?” |
| 31:18 | וְאָנֹכִי, הַסְתֵּר אַסְתִּיר פָּנַי בַּיּוֹם הַהוּא, עַל כָּל-הָרָעָה, אֲשֶׁר עָשָׂה: כִּי פָנָה, אֶל-אֱלֹהִים אֲחֵרִים׃ | veanokhi haster astir panay bayom hahu al kol-haraa asher asa ki fana el-elohim ajerim | Nami nitawaficha uso wangu hakika siku hiyo, kwa sababu ya ubaya wote atakaokuwa amefanya, kwa kugeukia miungu mingine. |
| 31:19 | וְעַתָּה, כִּתְבוּ לָכֶם אֶת-הַשִּׁירָה הַזֹּאת, וְלַמְּדָהּ אֶת-בְּנֵי-יִשְׂרָאֵל, שִׂימָהּ בְּפִיהֶם: לְמַעַן תִּהְיֶה-לִּי הַשִּׁירָה הַזֹּאת, לְעֵד--בִּבְנֵי יִשְׂרָאֵל׃ | veata kitvu lakhem et-hashira hazot velamda et-bne-yisrael sima befihem lemaan tihye-li hashira hazot leed bivne yisrael | Basi sasa jiandikieni wimbo huu, na kuwafundisha wana wa Israeli; uwatie kinywani mwao, ili wimbo huu uwe shahidi wangu juu ya wana wa Israeli. |
Aliya ya 7 (31:20–31:30)
| Aya | עברית | Tafsiri ya Sauti | Kiswahili |
|---|---|---|---|
| 31:20 | כִּי-אֲבִיאֶנּוּ אֶל-הָאֲדָמָה אֲשֶׁר-נִשְׁבַּעְתִּי לַאֲבֹתָיו, זָבַת חָלָב וּדְבַשׁ, וְאָכַל וְשָׂבַע, וְדָשֵׁן; וּפָנָה אֶל-אֱלֹהִים אֲחֵרִים, וַעֲבָדוּם, וְנִאֲצוּנִי, וְהֵפֵר אֶת-בְּרִיתִי׃ | ki-avienu el-haadama asher-nishbati laavotav zavat jalav udvash veakhal vesava vedashen ufana el-elohim ajerim vaavadum veniatsuni vehefer et-briti | Kwa kuwa nitakapowaingiza katika nchi niliyowaapia baba zao, itiririkayo maziwa na asali, nao watakula na kushiba na kunenepa, watageukia miungu mingine na kuitumikia, nami nitadharauliwa, nao watalivunja agano langu. |
| 31:21 | וְהָיָה כִּי-תִמְצֶאןָ אֹתוֹ רָעוֹת רַבּוֹת, וְצָרוֹת, וְעָנְתָה הַשִּׁירָה הַזֹּאת לְפָנָיו לְעֵד, כִּי לֹא תִשָּׁכַח מִפִּי זַרְעוֹ: כִּי יָדַעְתִּי אֶת-יִצְרוֹ, אֲשֶׁר הוּא עֹשֶׂה הַיּוֹם, בְּטֶרֶם אֲבִיאֶנּוּ, אֶל-הָאָרֶץ אֲשֶׁר נִשְׁבַּעְתִּי׃ | vehaya ki-timtsena oto raot rabot vetsarot veanta hashira hazot lefanav leed ki lo tishakaj mipi zaro ki yadati et-yitsro asher hu ose hayom beterem avienu el-haarets asher nishbati | Nayo itakuwa, mabaya mengi na taabu vitakapowapata, wimbo huu utashuhudia mbele yao kama shahidi, kwa maana hautasahauliwa kinywani mwa uzao wao; kwa kuwa najua fikira yao wanayoifanya sasa, kabla sijawaingiza katika nchi niliyoapa. |
| 31:22 | וַיִּכְתֹּב מֹשֶׁה אֶת-הַשִּׁירָה הַזֹּאת, בַּיּוֹם הַהוּא; וַיְלַמְּדָהּ, אֶת-בְּנֵי יִשְׂרָאֵל׃ | vayikhtov moshe et-hashira hazot bayom hahu vayelamda et-bne yisrael | Naye Musa akauandika wimbo huu siku hiyo, akawafundisha wana wa Israeli. |
| 31:23 | וַיְצַו אֶת-יְהוֹשֻׁעַ בִּן-נוּן, וַיֹּאמֶר חֲזַק וֶאֱמָץ--כִּי אַתָּה תָּבִיא אֶת-בְּנֵי יִשְׂרָאֵל, אֶל-הָאָרֶץ אֲשֶׁר-נִשְׁבַּעְתִּי לָהֶם; וְאָנֹכִי, אֶהְיֶה עִמָּךְ׃ | vayetsav et-yehoshua bin-nun vayomer jazak veemats ki ata tavi et-bne yisrael el-haarets asher-nishbati lahem veanokhi ehye imakh | Naye akamwamuru Yoshua mwana wa Nuni, akasema: Uwe hodari na jasiri, kwa kuwa wewe utawaingiza wana wa Israeli katika nchi niliyowaapia, nami nitakuwa pamoja nawe. |
| 31:24 | וַיְהִי כְּכַלּוֹת מֹשֶׁה, לִכְתֹּב אֶת-דִּבְרֵי הַתּוֹרָה-הַזֹּאת--עַל-סֵפֶר: עַד, תֻּמָּם׃ | vayehi kekhalot moshe likhtov et-divre hatora-hazot al-sefer ad tumam | Ikawa Musa alipomaliza kuandika maneno ya Sheria hii katika kitabu hata mwisho wake, |
| 31:25 | וַיְצַו מֹשֶׁה אֶת-הַלְוִיִּם, נֹשְׂאֵי אֲרוֹן בְּרִית-יְהוָה לֵאמֹר׃ | vayetsav moshe et-halviyim nose'e aron berit-Adonay lemor | Musa akawaamuru Walawi, waliolibeba sanduku la agano la Yeye wa Milele, akisema: |
| 31:26 | לָקֹחַ, אֵת סֵפֶר הַתּוֹרָה הַזֶּה, וְשַׂמְתֶּם אֹתוֹ, מִצַּד אֲרוֹן בְּרִית-יְהוָה אֱלֹהֵיכֶם; וְהָיָה-שָׁם בְּךָ, לְעֵד׃ | lakoaj et sefer hatora haze vesamtem oto mitsad aron berit-Adonay elohekhem vehaya-sham bekha leed | Kitwaeni kitabu hiki cha Sheria, mkiweke kando ya sanduku la agano la Yeye wa Milele, Mungu wenu, ili kiwe huko shahidi juu yako; |
| 31:27 | כִּי אָנֹכִי יָדַעְתִּי אֶת-מֶרְיְךָ, וְאֶת-עָרְפְּךָ הַקָּשֶׁה; הֵן בְּעוֹדֶנִּי חַי עִמָּכֶם הַיּוֹם, מַמְרִים הֱיִתֶם עִם-יְהוָה, וְאַף, כִּי-אַחֲרֵי מוֹתִי׃ | ki anokhi yadati et-meryekha veet-orpekha hakashe hen beodeni jay imakhem hayom mamrim heyitem im-Adonay veaf ki-ajare moti | kwa maana ninajua uasi wako na shingo yako ngumu; tazama, hata leo hivi nikiwa hai pamoja nanyi, mmekuwa waasi mbele za Yeye wa Milele; itakuwaje zaidi baada ya kufa kwangu? |
| 31:28 | הַקְהִילוּ אֵלַי אֶת-כָּל-זִקְנֵי שִׁבְטֵיכֶם, וְשֹׁטְרֵיכֶם; וַאֲדַבְּרָה בְאָזְנֵיהֶם, אֵת הַדְּבָרִים הָאֵלֶּה, וְאָעִידָה בָּם, אֶת-הַשָּׁמַיִם וְאֶת-הָאָרֶץ׃ | hakhilu elay et-kol-zikne shivtekhem veshotrekhem vaadabra veoznehem et hadevarim haele veaida bam et-hashamayim veet-haarets | Nikusanyieni wazee wote wa makabila yenu na maafisa wenu, ili nizinene masikioni mwao maneno haya, na kuita mbingu na nchi ziwe mashahidi juu yao; |
| 31:29 | כִּי-יָדַעְתִּי, אַחֲרֵי מוֹתִי כִּי-הַשְׁחֵת תַּשְׁחִתוּן, וְסַרְתֶּם מִן-הַדֶּרֶךְ, אֲשֶׁר צִוִּיתִי אֶתְכֶם; וְקָרָאת אֶתְכֶם הָרָעָה, בְּאַחֲרִית הַיָּמִים--כִּי-תַעֲשׂוּ אֶת-הָרַע בְּעֵינֵי יְהוָה, לְהַכְעִיסוֹ בְּמַעֲשֵׂה יְדֵיכֶם׃ | ki-yadati ajare moti ki-hashjet tashjitun vesartem min-haderekh asher tsiviti etkhem vekarat etkhem haraa beajarit hayamim ki-taasu et-hara beene Adonay lehakhiso bemaase yedeykhem | kwa maana najua ya kwamba baada ya kufa kwangu hakika mtajiharibu na kuiacha njia niliyowaamuru, na ubaya utawapata siku za mwisho, kwa sababu mtafanya yaliyo mabaya machoni pa Yeye wa Milele, mkimkasirisha kwa kazi za mikono yenu. |
| 31:30 | וַיְדַבֵּר מֹשֶׁה, בְּאָזְנֵי כָּל-קְהַל יִשְׂרָאֵל, אֶת-דִּבְרֵי הַשִּׁירָה, הַזֹּאת--עַד, תֻּמָּם׃ | vayedaber moshe beozne kol-kehal yisrael et-divre hashira hazot ad tumam | Naye Musa akayanena masikioni mwa kusanyiko lote la Israeli maneno ya wimbo huu hata mwisho wake. |
Maftir (31:28–31:30, kurudiwa)
| Aya | עברית | Tafsiri ya Sauti | Kiswahili |
|---|---|---|---|
| 31:28 | הַקְהִילוּ אֵלַי אֶת-כָּל-זִקְנֵי שִׁבְטֵיכֶם, וְשֹׁטְרֵיכֶם; וַאֲדַבְּרָה בְאָזְנֵיהֶם, אֵת הַדְּבָרִים הָאֵלֶּה, וְאָעִידָה בָּם, אֶת-הַשָּׁמַיִם וְאֶת-הָאָרֶץ׃ | hakhilu elay et-kol-zikne shivtekhem veshotrekhem vaadabra veoznehem et hadevarim haele veaida bam et-hashamayim veet-haarets | Nikusanyieni wazee wote wa makabila yenu na maafisa wenu, ili nizinene masikioni mwao maneno haya, na kuita mbingu na nchi ziwe mashahidi juu yao; |
| 31:29 | כִּי-יָדַעְתִּי, אַחֲרֵי מוֹתִי כִּי-הַשְׁחֵת תַּשְׁחִתוּן, וְסַרְתֶּם מִן-הַדֶּרֶךְ, אֲשֶׁר צִוִּיתִי אֶתְכֶם; וְקָרָאת אֶתְכֶם הָרָעָה, בְּאַחֲרִית הַיָּמִים--כִּי-תַעֲשׂוּ אֶת-הָרַע בְּעֵינֵי יְהוָה, לְהַכְעִיסוֹ בְּמַעֲשֵׂה יְדֵיכֶם׃ | ki-yadati ajare moti ki-hashjet tashjitun vesartem min-haderekh asher tsiviti etkhem vekarat etkhem haraa beajarit hayamim ki-taasu et-hara beene Adonay lehakhiso bemaase yedeykhem | kwa maana najua ya kwamba baada ya kufa kwangu hakika mtajiharibu na kuiacha njia niliyowaamuru, na ubaya utawapata siku za mwisho, kwa sababu mtafanya yaliyo mabaya machoni pa Yeye wa Milele, mkimkasirisha kwa kazi za mikono yenu. |
| 31:30 | וַיְדַבֵּר מֹשֶׁה, בְּאָזְנֵי כָּל-קְהַל יִשְׂרָאֵל, אֶת-דִּבְרֵי הַשִּׁירָה, הַזֹּאת--עַד, תֻּמָּם׃ | vayedaber moshe beozne kol-kehal yisrael et-divre hashira hazot ad tumam | Naye Musa akayanena masikioni mwa kusanyiko lote la Israeli maneno ya wimbo huu hata mwisho wake. |
Haftara — ya Saba ya Faraja (Isaya 61:10–63:9)
| Aya | עברית | Tafsiri ya Sauti | Kiswahili |
|---|---|---|---|
| 61:10 | שׂוֹשׂ אָשִׂישׂ בַּיהוָה, תָּגֵל נַפְשִׁי בֵּאלֹהַי--כִּי הִלְבִּישַׁנִי בִּגְדֵי-יֶשַׁע, מְעִיל צְדָקָה יְעָטָנִי: כֶּחָתָן יְכַהֵן פְּאֵר, וְכַכַּלָּה תַּעְדֶּה כֵלֶיהָ׃ | sos asis b'Adonay tagel nafshi belohay ki hilbishani bigde-yesha meil tsedaka yeatani kejatan yekhahen peer vekakala taade keleha | Nitafurahi sana katika Yeye wa Milele, roho yangu itashangilia katika Mungu wangu; kwa maana amenivika mavazi ya wokovu, amenifunika joho la haki, kama bwana harusi ajipambavyo kwa taji ya ukuhani, na kama bibi harusi ajipambavyo kwa vito vyake. |
| 61:11 | כִּי כָאָרֶץ תּוֹצִיא צִמְחָהּ, וּכְגַנָּה זֵרוּעֶיהָ תַצְמִיחַ--כֵּן אֲדֹנָי יְהוִה, יַצְמִיחַ צְדָקָה וּתְהִלָּה, נֶגֶד, כָּל-הַגּוֹיִם׃ | ki kaarets totsi tsimja ukhegana zerueha tatsmiaj ken Adonay elohim yatsmiaj tsedaka utehila neged kol-hagoyim | Kwa maana kama vile nchi itoavyo chipukizi lake, na kama bustani ifanyavyo yale yaliyopandwa ndani yake kuchipuka, ndivyo Yeye wa Milele Mungu atakavyofanya haki na sifa kuchipuka mbele ya mataifa yote. |
| 62:1 | לְמַעַן צִיּוֹן לֹא אֶחֱשֶׁה, וּלְמַעַן יְרוּשָׁלִַם לֹא אֶשְׁקוֹט, עַד-יֵצֵא כַנֹּגַהּ צִדְקָהּ, וִישׁוּעָתָהּ כְּלַפִּיד יִבְעָר׃ | lemaan tsiyon lo ejeshe ulemaan yerushalayim lo eshkot ad-yetse khanoga tsidka vishuata kelapid yivar | Kwa ajili ya Sayuni sitanyamaza, na kwa ajili ya Yerusalemu sitastarehe, hata haki yake itakapotoka kama mng'aro, na wokovu wake kama taa iwakayo. |
| 62:2 | וְרָאוּ גוֹיִם צִדְקֵךְ, וְכָל-מְלָכִים כְּבוֹדֵךְ; וְקֹרָא לָךְ שֵׁם חָדָשׁ, אֲשֶׁר פִּי יְהוָה יִקֳּבֶנּוּ׃ | verau goyim tsidkekh vekhol-melakhim kevodekh vekora lakh shem jadash asher pi Adonay yikovenu | Nayo mataifa yataiona haki yako, na wafalme wote utukufu wako; nawe utaitwa kwa jina jipya, ambalo kinywa cha Yeye wa Milele kitalitaja. |
| 62:3 | וְהָיִית עֲטֶרֶת תִּפְאֶרֶת, בְּיַד-יְהוָה; וצנוף וּצְנִיף מְלוּכָה, בְּכַף-אֱלֹהָיִךְ׃ | vehayit ateret tiferet beyad-Adonay utsnif melukha bekhaf-elohayikh | Nawe utakuwa taji ya utukufu mkononi mwa Yeye wa Milele, na kilemba cha kifalme kiganjani mwa Mungu wako. |
| 62:4 | לֹא-יֵאָמֵר לָךְ עוֹד עֲזוּבָה, וּלְאַרְצֵךְ לֹא-יֵאָמֵר עוֹד שְׁמָמָה--כִּי לָךְ יִקָּרֵא חֶפְצִי-בָהּ, וּלְאַרְצֵךְ בְּעוּלָה: כִּי-חָפֵץ יְהוָה בָּךְ, וְאַרְצֵךְ תִּבָּעֵל׃ | lo-ye'amer lakh od azuva ulartsekh lo-ye'amer od shemama ki lakh yikare jeftsi-bah ulartsekh beula ki-jafets Adonay bakh vartsekh tibael | Hutaitwa tena Aliyeachwa, wala nchi yako haitaitwa tena Ukiwa; bali utaitwa Furaha-Yangu-Ni-Ndani-Yake, na nchi yako Aliyeolewa; kwa kuwa Yeye wa Milele anakupendeza, na nchi yako itaolewa. |
| 62:5 | כִּי-יִבְעַל בָּחוּר בְּתוּלָה, יִבְעָלוּךְ בָּנָיִךְ; וּמְשׂוֹשׂ חָתָן עַל-כַּלָּה, יָשִׂישׂ עָלַיִךְ אֱלֹהָיִךְ׃ | ki-yival bajur betula yivalukh banayikh umsos jatan al-kala yasis alayikh elohayikh | Kwa maana kama kijana aoavyo bikira, ndivyo wana wako watakavyokuoa; na kama bwana harusi afurahivyo bibi harusi, ndivyo Mungu wako atakavyokufurahia. |
| 62:6 | עַל-חוֹמֹתַיִךְ יְרוּשָׁלִַם, הִפְקַדְתִּי שֹׁמְרִים--כָּל-הַיּוֹם וְכָל-הַלַּיְלָה תָּמִיד, לֹא יֶחֱשׁוּ; הַמַּזְכִּרִים, אֶת-יְהוָה--אַל-דֳּמִי, לָכֶם׃ | al-jomotayikh yerushalayim hifkadti shomrim kol-hayom vekhol-halayla tamid lo yejeshu hamazkirim et-Adonay al-dami lakhem | Juu ya kuta zako, ee Yerusalemu, nimeweka walinzi; mchana kutwa na usiku kucha hawatanyamaza kamwe. Ninyi mnaomkumbusha Yeye wa Milele, msijipe raha, |
| 62:7 | וְאַל-תִּתְּנוּ דֳמִי, לוֹ: עַד-יְכוֹנֵן וְעַד-יָשִׂים אֶת-יְרוּשָׁלִַם, תְּהִלָּה--בָּאָרֶץ׃ | veal-titnu dami lo ad-yekhonen vead-yasim et-yerushalayim tehila baarets | wala msimpe yeye raha, hata atakapoithibitisha na kuifanya Yerusalemu kuwa sifa duniani. |
| 62:8 | נִשְׁבַּע יְהוָה בִּימִינוֹ, וּבִזְרוֹעַ עֻזּוֹ: אִם-אֶתֵּן אֶת-דְּגָנֵךְ עוֹד מַאֲכָל, לְאֹיְבַיִךְ, וְאִם-יִשְׁתּוּ בְנֵי-נֵכָר תִּירוֹשֵׁךְ, אֲשֶׁר יָגַעַתְּ בּוֹ׃ | nishba Adonay bimino uvizroa uzo im-eten et-deganekh od maakhal leoyvayikh veim-yishtu vne-nekhar tiroshekh asher yagaat bo | Yeye wa Milele ameapa kwa mkono wake wa kuume na kwa mkono wa nguvu zake: Sitawapa tena maadui zako nafaka yako iwe chakula, wala wageni hawatakunywa divai yako uliyoifanyia kazi; |
| 62:9 | כִּי מְאַסְפָיו יֹאכְלֻהוּ, וְהִלְלוּ אֶת-יְהוָה; וּמְקַבְּצָיו יִשְׁתֻּהוּ, בְּחַצְרוֹת קָדְשִׁי׃ | ki measfav yokhluhu vehillu et-Adonay umkabtsav yishtuhu bejatsrot kadshi | bali watakaoivuna wataila na kumsifu Yeye wa Milele; na wale watakaoiokota watainywa katika nyua za patakatifu pangu. |
| 62:10 | עִבְרוּ עִבְרוּ בַּשְּׁעָרִים, פַּנּוּ דֶּרֶךְ הָעָם; סֹלּוּ סֹלּוּ הַמְסִלָּה סַקְּלוּ מֵאֶבֶן, הָרִימוּ נֵס עַל-הָעַמִּים׃ | ivru ivru bashearim panu derekh haam solu solu hamesila sakelu meeven harimu nes al-haamim | Pitieni, pitieni malangoni, itengenezeni njia ya watu; isawazisheni, isawazisheni njia kuu, iondoeni mawe, inueni bendera juu ya mataifa. |
| 62:11 | הִנֵּה יְהוָה, הִשְׁמִיעַ אֶל-קְצֵה הָאָרֶץ, אִמְרוּ לְבַת-צִיּוֹן, הִנֵּה יִשְׁעֵךְ בָּא; הִנֵּה שְׂכָרוֹ אִתּוֹ, וּפְעֻלָּתוֹ לְפָנָיו׃ | hine Adonay hishmia el-ktse haarets imru levat-tsiyon hine yishekh ba hine sekharo ito ufeulato lefanav | Tazama, Yeye wa Milele ametangaza hata mwisho wa dunia: Mwambieni binti Sayuni, Tazama, wokovu wako unakuja; tazama, ujira wake u pamoja naye, na kazi yake iko mbele yake. |
| 62:12 | וְקָרְאוּ לָהֶם עַם-הַקֹּדֶשׁ, גְּאוּלֵי יְהוָה; וְלָךְ יִקָּרֵא דְרוּשָׁה, עִיר לֹא נֶעֱזָבָה׃ | vekaru lahem am-hakodesh geule Adonay velakh yikare derusha ir lo neezava | Nao wataitwa Watu Watakatifu, Waliokombolewa wa Yeye wa Milele; nawe utaitwa Uliyetafutwa, Mji Usioachwa. |
| 63:1 | מִי-זֶה בָּא מֵאֱדוֹם, חֲמוּץ בְּגָדִים מִבָּצְרָה, זֶה הָדוּר בִּלְבוּשׁוֹ, צֹעֶה בְּרֹב כֹּחוֹ; אֲנִי מְדַבֵּר בִּצְדָקָה, רַב לְהוֹשִׁיעַ׃ | mi-ze ba meedom jamuts begadim mibatsra ze hadur bilvusho tsoe berov kojo ani medaber bitsdaka rav lehoshia | Ni nani huyu atokaye Edomu, kutoka Bosra, mwenye mavazi mekundu? Huyu, mzuri katika vazi lake, aendaye kwa ukuu wa nguvu zake? “Mimi ndimi ninenaye kwa haki, mwenye uwezo wa kuokoa.” |
| 63:2 | מַדּוּעַ אָדֹם, לִלְבוּשֶׁךָ; וּבְגָדֶיךָ, כְּדֹרֵךְ בְּגַת׃ | madua adom lilvushekha uvgadeykha kedorekh begat | Kwa nini vazi lako ni jekundu, na mavazi yako kama yale ya akanyagaye ndani ya shinikizo? |
| 63:3 | פּוּרָה דָּרַכְתִּי לְבַדִּי, וּמֵעַמִּים אֵין-אִישׁ אִתִּי, וְאֶדְרְכֵם בְּאַפִּי, וְאֶרְמְסֵם בַּחֲמָתִי; וְיֵז נִצְחָם עַל-בְּגָדַי, וְכָל-מַלְבּוּשַׁי אֶגְאָלְתִּי׃ | pura darakhti levadi umeamim en-ish iti veedrekhem beapi veermesem bajamati veyez nitsjam al-begaday vekhol-malbushay egalti | Nimelikanyaga shinikizo peke yangu, na katika mataifa hapana mtu aliyekuwa pamoja nami; niliwakanyaga kwa hasira yangu, nikawakanyaga kwa ghadhabu yangu; damu yao ilinirushia mavazi yangu, nikachafua mavazi yangu yote. |
| 63:4 | כִּי יוֹם נָקָם, בְּלִבִּי; וּשְׁנַת גְּאוּלַי, בָּאָה׃ | ki yom nakam belibi ushnat geulay baa | Kwa maana siku ya kulipiza kisasi ilikuwa moyoni mwangu, na mwaka wa waliokombolewa wangu ulikuwa umefika. |
| 63:5 | וְאַבִּיט וְאֵין עֹזֵר, וְאֶשְׁתּוֹמֵם וְאֵין סוֹמֵךְ; וַתּוֹשַׁע לִי זְרֹעִי, וַחֲמָתִי הִיא סְמָכָתְנִי׃ | veabit veen ozer veeshtomem veen somekh vatosha li zeroi vajamati hi semakhatni | Nami nilitazama, hapakuwa na mtu wa kunisaidia, nikashangaa ya kwamba hapakuwa na mtu wa kunitegemeza; ndipo mkono wangu mwenyewe uliniletea wokovu, na ghadhabu yangu ndiyo iliyonitegemeza. |
| 63:6 | וְאָבוּס עַמִּים בְּאַפִּי, וַאֲשַׁכְּרֵם בַּחֲמָתִי; וְאוֹרִיד לָאָרֶץ, נִצְחָם׃ | veavus amim beapi vaashakrem bajamati veorid laarets nitsjam | Nami niliwakanyaga mataifa kwa hasira yangu, nikawalevya kwa ghadhabu yangu, nikaimwaga damu yao juu ya nchi. |
| 63:7 | חַסְדֵי יְהוָה אַזְכִּיר, תְּהִלֹּת יְהוָה, כְּעַל, כֹּל אֲשֶׁר-גְּמָלָנוּ יְהוָה; וְרַב-טוּב לְבֵית יִשְׂרָאֵל, אֲשֶׁר-גְּמָלָם כְּרַחֲמָיו וּכְרֹב חֲסָדָיו׃ | jasde Adonay azkir tehilot Adonay keal kol asher-gemalanu Adonay verav-tuv levet yisrael asher-gemalam kerajamav ukhrov jasadav | Nitazikumbuka rehema za Yeye wa Milele, sifa za Yeye wa Milele, sawasawa na yote Yeye wa Milele aliyotutendea, na wema mwingi kwa nyumba ya Israeli, aliowatendea kulingana na huruma zake na wingi wa rehema zake. |
| 63:8 | וַיֹּאמֶר אַךְ-עַמִּי הֵמָּה, בָּנִים לֹא יְשַׁקֵּרוּ; וַיְהִי לָהֶם, לְמוֹשִׁיעַ׃ | vayomer akh-ami hema banim lo yeshakeru vayehi lahem lemoshia | Naye akasema: Hakika hawa ni watu wangu, watoto wasiosema uongo; naye akawa mwokozi wao. |
| 63:9 | בְּכָל-צָרָתָם לא לוֹ צָר, וּמַלְאַךְ פָּנָיו הוֹשִׁיעָם--בְּאַהֲבָתוֹ וּבְחֶמְלָתוֹ, הוּא גְאָלָם; וַיְנַטְּלֵם וַיְנַשְּׂאֵם, כָּל-יְמֵי עוֹלָם׃ | bekhol-tsaratam lo lo tsar umalakh panav hoshiam beahavato uvejemlato hu gealam vayenatlem vayenaseem kol-yeme olam | Katika taabu yao yote yeye hakuwa asiyejali, naye malaika wa uso wake akawaokoa; kwa upendo wake na huruma yake aliwakomboa, akawainua na kuwachukua siku zote za zamani. |